雖然旺角有好多野食,但係住係旺角其實好少出街食,出親街食壽司的話,多數都會揀去「Monster Sushi」。 前晚約左朋友食飯,本身想去試新開的爆丼屋,但突然落雨仲要門口已經有大量人排緊隊,於是轉戰「Monster Sushi」。 三文魚西京燒 - 三文魚肉好嫩滑,魚皮燒到脆卜卜! 芝士鰻魚卷 火炙三文魚忌廉芝士蟹肉卷 - 三文魚加Cream Cheese真係絕配! 大蝦天婦羅壽司 - 天婦羅炸得好脆,熱辣辣的大蝦天婦羅配合凍冰冰的壽司飯,好特別! 大蝦天婦羅卷 - 我地係比較喜歡食卷物喇! 韓風中華冷麵 - 酸酸辣辣非常開胃,入面仲有海蜇加埋泡菜一齊食,非常滋味! 哥斯拉 - 外層係炸左的脆米包住壽司卷,幾特別! 三文魚及珍寶甜蝦壽司 海膽刺身 - 外貌麻麻地,味道唔算太濃! 依家只要裝左Storellet呢個apps就會即時送你迎新禮物 - 黑松露三文魚壽司。我最鍾意食黑松露架喇!呢個係我每次黎都要點的壽司! 同場加映: 「Pheromone Dessert」甜品時間 綠茶雪花冰 芒果雪花冰 - 好濃郁的芒果味! 焦糖燉蛋配朱古力雪糕 - 燉蛋好滑,驚喜竟然係朱古力雪糕,好濃的朱古力味又夠滑! 「Monster Sushi」 地址:旺角亞皆老街8號朗豪坊12樓13號舖 「Pheromone Dessert」 地址:旺角白布街藝興大廈8號地舖