沉日係我同一班朋友的〈每月一聚〉,今次聚會揀左係大圍。其實晚飯都係其次,去到咁遠的大圍食飯,目的就係為左晚飯後的甜品時間。本身我地想去食潮州打冷,點知間食店竟然內部裝修3日,要到10月1日先再重開,於是我地隨意係附近揀左間火鍋店開餐,但火鍋店無咩特別就唔多作介紹喇! 講返今篇文章的主題 - 就係邪惡甜品「心太軟窩夫 」,呢個甜品出處就係「夏雪」喇! 點擊圖片放大 店舖唔算大,但環境舒適,職員仲好貼心會比個籃你放手袋! 我同朋友實在太想試下同一時間將心太軟同埋窩夫放入口係咩感覺,所以Devil Choco係必點,另外叫左個Affogato - Purple,即係紫薯雪糕。 Affogato - Purple 雪糕好軟滑,淋上微暖的紫薯醬好豐富,入面有兩粒日本的蕃薯仔又係我的最愛。呢個我幾鍾意,期待下次可以食埋佢的紫薯窩夫。 Devil Choco - 期待已久的心太軟窩夫終於出場喇,窩夫即叫即焗,所以時間要等耐少少! 一切開心太軟已經有朱古力醬大量湧出黎喇,窩夫焗得好脆,加埋軟淋淋的心太軟再加朱古力雪糕,真係要將個口放大放大至可以一啖食哂! 「夏雪」 地址:大圍積富街31號益富閣地下3號舖