我的皮膚真係好乾燥,除左係冬天會乾到甩皮之外,就連夏天有時都會乾到甩皮。雖然咁乾燥但自己個人又懶喎!所以好多時都只會係化妝前一晚/化妝後個晚先會敷下面膜,今次試用朋友係日本買返黎的手信 - 蜂蜜面膜!本身對日本產品唔太熟識,朋友話佢入到藥妝店見到咁多款面膜都唔知買邊款好!聽人講好多人去日本都會買呢款面膜返香港,所以揀左呢款 ! 一盒只有3塊!分量較少! 試後感:一撕開包裝拎塊面膜出黎,就見到有好多蜂蜜的精華黏滿塊面膜,仲已經開始滿瀉,呢個有少少加分,一般的面膜精華只會黏到塊面膜就算,好少會多到瀉哂出黎!敷左15分鐘,撕下面膜後仲有大量精華液留係面上,洗乾淨後已經feel到塊面滑左,無見到有乾燥情況,夠滋潤!整體感覺良好!