星期一除左係一星期的開始,亦都係我同幾位親友「周一閒人俱樂部」不定時的聚會!「周一閒人俱樂部」其實就係幾個係星期一無野做又可以偷一個下午相聚的閒人。今次揀左位於旺角的「Day and Nite by Master Kama」聚一聚。 我地叫左蜜糖BBQ雞翼、芝士竹輪魚餅、流心芝士龍蝦三文治、香草白汁煙三文魚紫椰菜蝴蝶粉、龍蝦芝士濃湯海鮮烏冬。 飲品方面就叫左Unicorn Dream、Ms.Cakery同Mocha。 連食物碟都咁靚! Unicorn Dream - 外型好靚,其實係好滑的沙冰。 香草白汁煙三文魚紫椰菜蝴蝶粉 - 香草白汁好味!特別係有紫椰菜做的蝴蝶粉。 龍蝦芝士濃湯海鮮烏冬 - 海鮮料算多,龍蝦芝士湯底好濃郁,好味到我地湯都飲哂! Mocha - 無咩特別,因為身體問題我盡量唔飲涷野,所以選擇Hot coffee。 Ms.Cakery - 其實係士多啤梨芝士餅。 流心芝士龍蝦三文治 - 呢度的主打菜式,好勁芝士,龍蝦都唔少,三文治烘得夠脆!好味! 芝士竹輪魚餅 - 魚餅太“林”,而且芝士只集中係中間,尾後食唔到芝士,所以唔推薦! 蜜糖BBQ雞翼 - 雞翼炸得好脆,配上BBQ醬好惹味! 「Day and Nite by Master Kama」 地址:旺角山東街50號1-2樓