每次去首爾都希望可以試多d新的美食,所以行程安排方面盡量都唔會去相同的餐廳。但係以下介紹的呢間餐廳就正正相反,每次去都一定要食。 呢間餐廳係食鐵盤辣炒雞,位置位於弘大的樓上舖,由3D館個條一直向前行,行到咁上下會見到右邊有條路可以轉入去,轉右後向前行少少就會見到餐廳的易拉架喇! 餐廳地方唔算大,但勝在有露台,秋天時係露台食別有一番風味! 一坐低店員就會放低配菜同埋雞蛋,你可以係等待辣炒雞時煎黎食。我地order左少辣的炒雞+芝士同埋拉麵。 主角黎到喇!大大盤辣炒雞配年糕仲有後加的拉麵。 店員會將兩種芝士舖係辣雞上面。辣炒雞本身已經熟左,食時加返熱就得喇! 加熱後將芝士拌勻連埋雞一齊真係超級好味! 呢度仲有好少見的菠蘿汽水飲!