之前上網見到首爾有間好抵食的食店,套餐竟然有燒龍蝦食,今次去到首爾一定要試下! 「THE SIC DDANG」位於明洞,雖然佢係樓上舖但位置都唔算好難搵!我地叫左個4人套餐,套餐包括:意粉沙律、芝士pizza、辣炒章魚/豬肉、湯麵同埋燒龍蝦。 呢個意粉沙律個醬汁酸酸甜甜,非常開胃! 芝士pizza配蜂蜜醬,估唔到又幾夾!當晚呢個pizza好搶手! 辣炒章魚真係辣到飛起,味道唔錯但真係辣得好緊要! 湯麵比較清淡但個湯好好飲,帶少少微辣。 終於到主角 - 燒龍蝦出場喇!龍蝦面舖左特別的醬汁,味道有少少似千島醬加上芝士一齊食,好滿足呀! 「THE SIC DDANG」 地址:首爾中區明洞2街 31-4 2樓 韓文地址:서울 중구 명동2가 31-4 2F