韓國人氣炸雞店‘NENE CHICKEN’終於抵港喇!呢間炸雞店係韓國好出名。只要係叫外賣炸雞,多數都係叫呢間炸雞店。之前去韓國玩時都有叫呢間外賣。自從係韓國食過之後簡直係一試難忘。今個月12號終於係旺角朗豪坊開張喇!為左唔想排咁耐隊,所以決定早d去等開門當食Brunch。炸雞店開12:00,當日我11:45去到已經有唔少人排緊隊,但店舖安排有d不足,去到12:15但仲未有員工比我地入去,到左12:30終於可以入得喇! 點擊圖片放大 +3 叫左3杯青蘋果梳打,但個味道唔算好特別。 呢個加大版雞蛋卷幾好味,雞蛋卷中間夾左芝左,面層加左麻醬醬汁開胃。 每次食韓國菜,都鍾意叫呢個年糕拉麵,呢個年糕拉麵醬汁整得頗辣,但年糕比較實同硬身,相反拉麵沾滿醬汁比年糕好 終於介紹今餐的主角 - 炸雞,我地order左甜酸味炸雞。同行兩位友人都認為甜酸醬較甜,食多兩舊已經好膩。 今次試食個人認為係韓國食比較好吃。如果大家真係好想試,建議大家等風潮過左之後再去食! NENE CHICKEN 地址:旺角朗豪坊11樓