今年真係有好多幸福的事情發生,身邊有好多唔同的朋友不約而同有左BB,亦有一位好姊妹係年頭時被求婚,身為好姊妹的我一定要陪伴佢每個重要的時刻!自從佢求婚成功後就開始不停搵關於結婚的資料,身為過來人的我亦都係佢收集資料的來源之一!之前都有陪佢行過結婚展,上個星期就陪佢去睇下擺酒的地方(佢未婚夫太忙,而且佢覺得姊妹更加了解佢鍾意咩XD) 我地去左九龍灣德福的德藝會,我姊妹同佢老公都係住係九龍灣,所以想搵返近屋企的地方,唔洗曬咁多時間係交通方面!而且佢上網睇過資料知道呢個場岩岩重新裝修過,絕對新淨!由九龍灣站行過去都係8分鐘,旁邊係德福戲院,非常易搵! 入到去向前行少少已經見到門口!到時接待處位會放係門口,咁就唔怕當晚的嘉賓會行錯門口! 開頭望入去個場地以為好細,原來都可以擺到16圍!呢度的佈置比較偏向西式,主色係Baby blue,唔似一般酒樓咁傳統! 點擊圖片放大 +3 呢度的舞台設計偏向簡單,好岩我姊妹低調的性格,佢最怕d好誇張的舞台設計!帶我地去睇場地的經理話如果個舞台唔會點佈置,到時有埋場地的燈光就唔會好單調! 舞台旁邊有一座白色鋼琴,睇落去好浪漫! 睇完個場地就去左睇新娘房! 新娘房唔算好大,但經理話佢地逐步逐步咁做緊少少翻新,到時個新娘房就會再新d!一般新娘房必備的獨立洗手間、夾萬就一定唔少得! 睇哂成個場後經理同我地傾下當日的細節,呢度的酒席最平$5,888,朋友當日揀左屬於中價的$6,688的酒席,而且仲要免茶芥,亦因為佢book係出年,仲有全單8折,岩哂佢budget! Club One 德藝會 地址:九龍灣德福花園平台P13-14號