讀書時代大多數時間都係沙田同大圍附近,皆因由細至到中學時期都係住係馬鞍山,學校係大圍,基本上每日放學後都會去沙田新城市廣場行一行或者食個下午茶先肯返屋企!但自從搬離左沙田區及畢業後都好少好少會返回呢個舊地!最近終於有時間及目的比我重遊一次回憶中的沙田同大圍!好可惜好多舊店已經結業,惜日的沙田已經唔同哂! 今次去沙田的主要目的係為左睇係香港文化博物館展出的「八代帝居故宮養心殿文物展」,好耐之前都去過北京故宮一次,但已經無咩印象,難得唔洗坐飛機就可以睇到展品,所以都要抽空去睇下! 未開始睇故宮展前經過見到有展館係關於粵劇文化,一場黎到緊係參觀埋呢個展館了解下! 館內有一個大型花牌,其實傳統花牌真係好靚! 粵劇表演時的後台,放置左好多戲服同埋頭飾! 演出時的戲服,每一套都好靚! 咁多套戲服我最鍾意呢套,連埋頭冠真係好靚! 當時的戲迷將1蚊美金摺成扇形造成花牌送比佢的偶像! 演出用的頭冠好靚,但應該戴上頭會好重,表演者戴住黎表演實在好厲害! 入面仲有迷你遊戲等你可以化身粵劇角色,不過個sensor好唔凌敏,要好大動作先會有反應! 點擊圖片放大 終於去睇今日的主題喇!不過比較可惜裡面唔可以影相,唯一的好處就係大家可以專心咁欣賞一下展品,裡面有八位皇帝所收藏的寶物,又有乾隆皇帝所寫的墨寶,亦都將養心殿的場景搬過黎香港比大家睇! 八代帝居 ─ 故宮養心殿文物展 展覽日期:2017年6月29日 – 2017年10月15日 「香港文化博物館」 地址:香港新界沙田文林路一號 開放時間:星期一、三至五:10:00-18:00 星期六、日及公眾假期:10:00-19:00 星期二(公眾假期除外)、農曆年初一及二休館 睇完展覽係時侯要醫肚,我地去左大圍的金城茶餐廳!呢度的招牌飯係椒鹽豬扒飯同埋煎肉餅飯!以前讀書時期都好鍾意係lunch time離開學校行去近火車站呢邊食飯!不過個陣的飯價就平好多! 椒鹽豬扒飯 - 豬扒半煎炸得好香脆,爆香左的蔥粒同蒜粒好惹味! 生煎肉餅飯 - 塊肉餅真係好大塊!煎到外層脆脆地,咬落去裡面仍有肉汁,不過因為太大塊,有少許膩! 兩個飯都好好味,不過價錢一d都唔平,兩款都要$52,凍飲加$11,的確唔係平民價,不過間唔中食一次都ok既! 「金城茶餐廳」 地址:大圍積福街100號 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle