前日好幸運地被U Lifestyle選中參加博客聚會,可以係Club one試食新派中式點心,當中有好多有趣又好味的菜式,而且可以同其他博客一齊聚下,真係玩得好開心! 事不宜遲,立即帶大家返去當日的場地先! 當日試食場地就係尖沙咀K11的Club One,主要係婚宴場地,雖然地方唔算大,但以花卉及少女們最愛的Tiffany blue為主題佈置真係好靚、好浪漫! 點擊圖片放大 而且仲設有室外的環境,花花背景影相一流! 點擊圖片放大 天花佈置都好靚,以復古雨傘加入繡球花! 點擊圖片放大 +3 當日的大廚! 碗碗碟碟擺放得好靚! 開胃小菜 黑蒜豬腱燉響螺 - 以茶壺作為器具,非常特別,黑蒜味道非常濃郁,往來都好喜歡黑蒜的味道,而且黑蒜亦具抗氧化及控制脂肪吸收的功效,非常有益!而響螺亦非常彈牙,越飲越滋陰! 點擊圖片放大 有排餃 - 其實係蝦餃但蝦餃皮以班蘭葉製成,而蝦餃面放上四種不同的配料:黑松露、山葵、三文魚籽及紫薑!我只係食左黑松露同山葵,黑松露蝦餃雖然好味但味道不夠濃烈,有少許失望!但山葵蝦餃真係第一次食,意想不到咁好味,繼黃芥辣燒賣後(我食燒賣一定要加黃芥辣)又一新口味! 點擊圖片放大 青頭仔 - 青頭仔造型十分可愛,其實佢係流沙奶皇包!實在太可愛,個樣十足日本的八爪魚醉酒大叔!味道方面蛋黃夠香,亦夠流心! 靠近看更加可愛! 造型咁可愛點能夠唔玩下新模樣!XD 全部都係雞 - 名副其實全部都係雞!因為佢係糯米雞,無論食物還是小杯及碟都係懷舊雞公仔,糯米雞其實不算特別,而且很膩,好難食得完一個! 點擊圖片放大 不是梨 - 雖然係啤梨造型但真的不是梨,咸水角是也!餡料有豬肉、冬菇、蝦米,味道不算特別,但造型可愛。而梨柄是丁香,當日好多人一口咬,結果個個都吐出黎,因為丁香的味道不是個個受得了! 點擊圖片放大 色色蝦條 - 不要想錯,其實是shake shake蝦條,侍應哥哥將蝦條放係調酒器內shake,其實係將蝦條與紫菜拌勻! 值得一讚的是餐廳跟客戶有互動,可以比大家嚐試一下做調酒員的滋味! 蝦條以蝦膠混合煙肉碎,但煙肉碎比較少,難以食到! 原個芝士南瓜飯 - 原個南瓜造型的芝士飯,充滿南瓜香味,而且南瓜肉非常甜!味道不錯! 點擊圖片放大 橙冬瓜 - 冬瓜粒變身小圓球配上香橙做的醬汁,創新得來又夠醒胃,最岩炎熱的夏天! 螞蟻爬紅山 - 飯粒以紅菜頭水製成,加入欖菜、肉碎及菜粒,非常好吃,最喜歡食加有欖菜的炒飯!好好味! 棗皇燉蛋白 - 最後來到甜品時間,以紅棗為主製成的燉蛋白,充滿紅棗味道,絕對適合女仕們!唯一缺點是蛋白不夠細滑! 當日有份試食,已經好開心,臨尾仲有價值$1480的Club Dining的優惠卡! 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle