最近我去左一年一度的青衣戲棚 - 真君寶誕見識下!裡面真係有好多野食!當日天氣本身有小小雨,好彩天公造美,去到時已經停左雨!當晚人頭湧湧,雖然多人但買野食的時間唔耐! 點擊圖片放大 +2 一入場已經見到呢檔賣蛋餅,入面有粟米、肉粒同埋蛋,都幾好味,不過略嫌外層加得太多鹽,有小小鹹! 點擊圖片放大 就係隔離就有夾流水麵玩,名符其實有得玩有得食!親身試過發現原來要一次過夾哂一束麵係好難,我玩左兩次都只係夾到少少... 麵條好滑,配有加左wasabi的冷麵汁,最岩當日咁熱的天氣! 蟹黃湯包,之前見就見過都係第一次食,用飲管吸湯汁,湯汁幾鮮甜,但個外包就唔算好味! 糯米釀雞翼,外皮燒得好好味,又夠入味!糯米飯都好好味!最正係成隻雞翼大啖大啖食! 我地揀左香蕉班戟,即叫即整,所以係度都排左一陣隊,老闆好細心製作!班戟入面有香蕉同蛋漿而上層加滿練奶同朱古力醬,好味但食多兩件有少少膩! 同檔仲有鐵板牛柳粒同其他美食,不過我地都開始飽所以無食到! 最後飲埋蜜桃梳打就完滿喇! 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle