我每次去旅行除左買衫買鞋,少不免會買零食返香港,我亦都覺得買零食做手信都幾好,有時品味的野唔係個個一樣,但對零食的口味大概都差不多!今次就介紹一下我之前係韓國買左咩零食喇! Market O牛油曲奇:Market O呢個牌子相信香港人對佢一d都唔陌生,佢最出名當然係Brownie,但我最唔係太鍾意食,因為對我黎講太甜太膩了!今次我就買左呢款牛油曲奇,好香牛油味道,佢呢款曲奇係比較軟身,食落有d似牛油酥餅的感覺!肚餓時用黎醫肚都幾好! Lotte Farm Road香橙蛋糕:本身我好鍾意食關於香橙的食物,見到呢個香橙蛋糕即時諗都無諗就買左,返到酒店先惆悵點執落喼!頂層有白朱古力,下層的蛋糕有淡淡的香橙味,都唔錯架! Lotte朱古力曲奇:我真係每次去首爾都會買呢個朱古力曲奇,曲奇面上有朱古力粒真係好好食,而且夠平嘛! Hershey’s朱古力曲奇:Hershey’s出名朱古力,身為朱古力迷的我又點會唔買佢出的朱古力曲奇呢?曲奇都係咁好味,但無咩驚喜,未至於會瘋狂入貨! 士多啤梨蛋糕:呢款蛋糕真係超軟熟,禁落去軟綿綿,有淡淡士多啤梨,真係幾好味,而且超出我預想,開頭諗住會好似係嘉頓蛋糕個隻質感,但食落去係軟化好多,就好似梳乎厘咁! Orion薯片:唔講唔知,Orion呢間公司最出名的一條line就係Market O,除左Market O出名之外,仲有連香港都有好出名有個男仔係封面個款薯條同埋朱古力夾心餅都係佢公司,今次我就買左呢兩款薯片,芝士味同洋蔥味,我自己覺得芝士味好味d,洋蔥味有小小酸! 講完零食,就講下飲品,估唔到自己連飲品都會帶埋返黎香港! 菠蘿汁:呢盒菠蘿汁真係好好好飲,完全唔係藥水味,真係好似食緊菠蘿咁,雪涷去飲更好味! Line的包裝飲品:左邊係美式咖啡加甜、中間係美式咖啡、右邊係蜜桃茶,呢3包都係買返黎做手信,朋友一致評價都係好飲的! 焦糖咖啡:呢個我真係好鍾意飲,個次淨係買左一包,完全唔夠喉,咖啡好滑,加左焦糖又唔會好甜!之前有親友去覲首爾我都有托佢地幫我買幾包返黎! 文章回顧: 【YING住行】忙碌過後的雪糕特別好味 “Click me” 【YING住行】眼花撩亂的韓國便利店 “Click me” 【YING住行】韓國超市買咩好? “Click me” 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle