【Ying住行】韓國買食住玩行程小分享 – 上篇

title_mh1491713648560

有好多朋友去韓國旅行之前多數都會問我呢幾個問題!1.有咩地方係買衫平?2.韓國有咩餐廳介紹? 3.有無近郊的景點可以去玩?

既然大家都咁想知以上3點,就等我總括一下有咩地方可以規劃入行程裡面喇!

1.有咩地方係買衫平?

通常我買衫多數都係會係以下呢幾個地方:

《弘大》:無論有無黎過韓國都應該聽過呢個地方的名!呢度賣的衫比起其他地方平,除左步行街外,仲有好多韓國牌子係呢區,例如:Shoppen、Wonderplace、StyleNanda等等..而且弘益大學就係步行街隔離,所以弘大特別多年青人,撞岩星期六、日仲會有好多不同的藝術表演!

hongtai

《梨大》:梨大又係另一個好多年青人/少女出沒!原因當然係因為梨花女子大學喇!所以呢度的店舖賣的衫會比較年青同埋平,畢竟學生們都唔會有太多錢買衫!而呢度的衫款式同弘大的差不多,某幾間舖仲有可能會平過弘大買!不過就要大家慢慢行發掘下喇!另外要提醒大家如果係呢度買化妝品的話一定要小心睇清楚,因為之前新聞都有提過有幾間化妝品係賣假貨!如果大家真係要買化妝品的話可以去「Golden Eight」裡面有好多不同牌子!

*圖片從網絡下載

20130329151112-125

《高速巴士客運站》:韓國有好多地下街,其中比較近市區又大型的一定有「高速」份!呢度買衫真係好平好平,夏天一件淨色T-shirt最平去到5000 won(港幣大約$35),但唔好以為平野無好,就算一件$35的T-shirt都係made in korea而且質地仲好好!我每次黎呢度都買到一袋二袋咁走,次次都爆哂袋!地下街仲有江南地下街都好出名!

*圖片從網絡下載

big_198954

另外有小小溫馨提示:有朋友問過我東大門的衫係咪只賣比商舖?其實東大門除左批發市場個邊都有幾個商場係比遊客行街,而且可以只買一件!但我自己就覺得個邊的商場賣的衫比較貴,同埋某些店舖有可能會提高價錢賣比你!所以我去多幾次韓國都漸漸少去東大門呢區!但如果你想感受一下東大門呢個不夜城都不妨去行下夜街,食下小食!

20160507_220115_mh1491630239585

2.韓國有咩餐廳介紹?

第一次黎到韓國幾乎每一餐都係韓食,燒肉、部隊鍋、韓國拌飯樣樣食齊!之後再黎韓國,覺得唔可以日日淨係食呢幾款!於是上網check下有無邊度的餐廳係韓得黎又唔會覺得悶!比較推介以下幾間餐廳,大家有興趣可以去試下!

《THE SIC DDANG》:主打食燒龍蝦套餐,套餐仲包括意粉沙律、芝士pizza、辣炒章魚/豬肉、湯麵。咁多野食以為會好貴?錯喇!1個4人套餐都只係45800 won(港幣大約$315),每人除開$100都唔洗,非常抵食!

THE SIC DDANG-1

【YING住行】抵食燒龍蝦套餐「THE SIC DDANG」“Click me”

《MADE BY O:Z》:韓國人對芝士的熱愛程度真係好誇張,如果你都係一個芝士控黎到呢間餐廳絕對唔會失望!呢度係專食燒芝士配不同種類的鍋物,例如辣炒章魚、魷魚同辣炒雞肉,不過呢度的辣鍋真係超級辣,但將辣炒魷魚配埋芝士一齊食又真係好滋味又喎!

made by

【YING住行】弘大人氣芝士燒《MADE BY O:Z》“Click me”

《廣藏市場》:除左以上兩間食店,個人比較推薦去廣藏市場,一來可以感受一下傳統市場的風味,二來可以食多幾款不同的食物,好似紫菜飯捲、辣年糕、綠豆餅!

kwong john-1

【YING住行】韓國傳統市場 – 廣藏市場 “Click me”

韓國的傳統市場唔係淨係得廣藏市場,另一個比較出名的就係《通仁市場》,呢度最特別的係用舊式銅錢買野食架!

*圖片從網絡下載

tonyan

《明洞街頭美食》:如果行街行到無時間坐低係餐廳食飯,係明洞的街頭掃街會係一個不錯的選擇!呢度有好多不同的美食,燒芝士年糕串、燒扇貝、雞蛋糕、雪糕窩夫,真係諗起都想食!不過都有人話明洞的小食貴左好多,其實某幾檔小食的價錢的確唔平,但我自己覺得去得旅行比多小小錢去放縱下都唔係壞事既!

maydong

【YING住行】首爾明洞街頭美食 “Click me”

【YING住行】明洞街頭新小食 “Click me”

韓國美食又點止以上咁少丫,如果大家有興趣知道更多韓國美食,可以回顧返我之前的文章,又或者email我都得架!

「YING住食住行」已經開左係Facebook開左專頁喇!

歡迎大家入去比個like丫!

www.facebook.com/yingyingstyle

This entry was posted in 其他亞洲菜, 南韓, 手袋、配飾, 時令, 波鞋及其他鞋類, 甜品/飲品, 衣著穿搭, 零食, 韓國菜. Bookmark the permalink.

6 Responses to 【Ying住行】韓國買食住玩行程小分享 – 上篇
  1. teptep_828 says:

    《THE SIC DDANG》有無2人餐而又有龍蝦食架? 2人食4人餐好似太多

    • 其實佢有幾個價錢的套餐揀,有個套餐係得龍蝦+麵+沙律,你可以叫呢個餐試下!我地上次比較多人去食所以先叫左兩個4人餐!^^

  2. 遊歷之狐 says:

    正到極! ^^

Comments are closed.