每次去韓國除左食之外,最喜愛的活動必定係Shopping喇!所以今次介紹下去韓國我必買的化妝品。 1. Banila Co. 卸妝紙巾 本身我係比較鍾意卸妝紙巾,因為我個人實在太懶,而卸妝紙巾真係好方便,但係好多牌子都卸得唔夠乾淨,所以自從用過Banila Co.的卸妝紙巾之後,我每次去韓國都會入返幾包。 2. Banila Co. 修飾毛孔細紋妝前乳 無論咩年紀的女士,化妝前最重要一定係(打底、打底、打底,很重要所以說3次),所以我會用佢,佢可以將粗大的毛孔修飾,令你個妝容更貼服。 3. 3CE Back to Baby修飾毛孔妝前乳 3ce不嬲都係我的愛牌,之前一路用開佢的豬油膏修細毛孔,依家新出左呢款同樣係修飾毛孔妝前乳,用完之後會皮膚變返好似BB一樣咁滑同無瑕。 4. 3CE 眉筆 好多時唔想化全妝的話都一定要畫眉,畫出一條靚眉毛,會令你個樣睇落會精神d,而3ce的既眉筆可以輕易畫出任何眉型。 5. Etude House 定妝碎粉 夏天出街最麻煩就係化完個靚妝,一出到街就比汗水整溶哂。但用左碎粉之後就可以解決呢個問題。呢盒碎粉我已經補給左好多盒係屋企喇!