沉日終於睇左近期討論值極高的〈屍殺列車〉,其實我本身好怕睇喪屍片,但之前睇過預告又好似幾好睇咁。於是膽粗粗約埋幾位親友一行5人去睇。 其實一開場我已經有小小後悔,因為係戲院的音嚮實在太勁,一開始已經嚇左幾次,成套戲的過程可以話咬住唇驚住睇。 雖然我驚住睇,但呢套戲真心覺得拍得唔錯,唔係得個驚字。緊張左幾幕會有過場位比你輕鬆下,又會有洋蔥位比你緩和下緊張情緒。 呢套戲亦好反映人性,某d人去到生死關口係可以幾咁自私,人性可以去到幾咁醜惡。 完場後同親友討論時,當問到如果真係有喪屍,你會點?有人話為左保護自己的小朋友會堅持住同喪屍惡鬥,個一刻我真心佩服佢地會有呢個決心,如果係我,我應該一早就會變做喪屍。 :-P