之前去首爾旅行,到埗第1站就係去明洞喇!但去到明洞第1件事唔係掃化妝品,而係要醫左肚先。去到明洞已經見到開左好多小食檔喇! 第1檔就係掃鮑魚喇!一串有兩隻鮑魚,店主會鮑魚切開一片片配上辣椒醬及一小兜蜜桃,酸酸辣辣,非常好味! 同1檔仲有燒蝦仁,配上特別的醬汁同木魚絲,真係好惹味! 跟住就試下想食好耐的炸醬麵喇!成日睇Running man見佢地食已經好想食架喇!但味道同想像中差好遠,但總算叫試過! 呢個係今年明洞新興的小食,係燒年糕串上面再加練奶,甜甜地鹹鹹地幾有趣! 燒雞串,個醬汁都ok,但唔夠係弘大食過的好味! 雞肉丸串,肉質乾身左少少,可以唔試。 呢個燒扇貝真係好好味,加左沙律醬、栗米同埋芝士,但呢個價錢唔算平。 最後食埋炸鳳尾蝦配炸薯波,鳳尾蝦加左芝士,味道唔算好特別。