今日起身 Check-out後就搭船去左 里亞托橋 Ponte di Rialto 附近(有pass就狂搭XD) 當然行李暫時放在酒店喇, 行完先返去拎 去一間 Caffe Del Doge, 係巷與巷之間行來行去, 終於搵到.... 入到去係一間普普通通既咖啡室, 但係好多人 !!!! 應該穩陣既~ 叫左兩杯飲品, 同埋麵包, 味道還可以, (自從去過巴黎食麵包後, 覺得所有地方既麵包都係好普通) 食飽行行下期間, 見到呢個時鐘, 睇左一陣, 係唔識睇 ! 究竟係時針定係分針???? 行到去 里亞托橋 Ponte di Rialto, 我地周圍望下野, 見到有棟建築物天台有好多人 入面係咁既, 呢棟叫做 Fondaco dei Tedeschi, 我地入到去得知觀景台係免費入內參觀既~~! 呢座 building 入面有好多商店, 不過我地無興趣, 有時間可以 shopping一下~~ (但當日好多中國人, 似係有團) 部 lift d按鈕好過癮, 當時見到第一個感覺係似香港d 警鐘制 觀景台雖然好凍, 但上到去望到呢個景, 爽晒, 兩個係咁自拍 :) (由於知道當時1月鐘樓維修, 無得登頂參觀, 所以係度用左更多既時間去感受一下整個威尼斯) 搭船去聖馬可廣場 hea下, 途中影下建築物, 藍天襯托建築物, 更美~ 點擊圖片放大 唔知係咪星期日既關係, 無之前咁多 收錢派雀糧既黨派, 可以盡情影相, 同埋玩, 圖中最大果隻好惡, 成日搶其他雀既食物 點擊圖片放大 下午2點lu, 係時候同威尼斯講再見, 搭船返去酒店拎行李, 搭船途中遇到小插曲, 就係有職員(前方戴著灰色帽的女士)檢查船票, 結果係有部分外國人,唔知道原來拎 Pass 都要先係碼頭拍卡, 後果當然要罰款, 但點罰就唔知lu~ (所以提大家, 上船前一定要先拍卡, 上船前一定要先拍卡, 上船前一定要先拍卡) 係酒店拎返行李之後就搭 airport shuttle去機場喇, 架巴士真係要早d去排隊, 因為架巴士好多人上, d行李係放到無位擺, 我都驚佢碌來碌去, 所以企係度頂住 邊可能估到同一日會遇到兩次職員查票丫, 證明威尼斯係好多人突擊檢查車票/船票, 係前方戴粉紅帽既女士就係職員喇, 有位外藉男士上車無拍卡, 前方男士旁邊果部機就係, 所以如果有Pass, 唔好貪方便, 一定要拍一拍, 唔sure就拍多次, 涉事男士一直同個職員解釋有買票, 唔知要拍卡.... 由查飛講到落車 架車半個鐘左右都已經去到機場, 算係好快, 落車之後職員hold住個外國人埋一邊繼續傾, 都係要罰款嫁喇, 所以去旅行有時真係要搞清楚, 又唔係無比錢, 到最後臨走都要比人罰錢, 好慘嫁~ 1530 hrs. 去到威尼斯機場搞退稅, 係無人排既, 海關極速同我蓋印, 蓋印後食個lunch等夠鐘check-in, check-in後就係入面退稅機構扔入個箱度, (記得扔入去之前影相留個copy, 因為可以網上追蹤 or 追返) 1900 hrs 起飛lu~~~ 終於打完成個意大利旅程, 非常美麗既一個國家~~!