起身係酒店食早餐算....因為覺得周圍食既野都差唔多, 但呢間酒店本身 book時唔包早餐, 所以比錢, 5 EUR/人 計返都幾抵, 雖然來來去去都係果d野食~ 唔...日日酒店都係食呢類自助餐, 次次都用朱古力醬搽烘左既麵包, 係好味既~ 為左證明當地有幾凍, 特登影左張相, 前方既地下就有冰雹.... 室內同室外真係差天共地~~~凍到想一直匿係間房度算 XD 然後我地去左郵局寄名信片......無諗過張郵票係咁柒....係貼紙黎既~ 一早寫定過黎寄, 其實意大利郵費都幾貴下, 一張郵票要 2.2 EUR 計返港幣, 每張郵票都用差不多 HKD $ 20~~ 全靠有太陽, 否則真係凍僵我地~~藍天, 正啊~ 第一站係 穆拉諾島(Murano): 玻璃島 點擊圖片放大 周圍都係呢d屋仔, 望落個景好舒服, 好靚~~ 黎到呢個位....藍色果舊就係藝術品, 其實我地真係完全不懂藝術.... 既然黎到, 就影返張相記錄一下喇 成街都係舖, 行入去睇下會見到好多手工藝品~~偷影返張相先~ 舖內既制品間間都唔同價錢, 大概係視乎玻璃整出黎既質素, 但其實分別不大~~ 反而行行下見到呢個就真係覺得好靚好精緻 !!! 唔知道夏天黎既時候, 周圍既環境會否係另一番景象呢 ? 睇住小朋友無憂無慮咁追住d雀, 都係一種享受, 諗起香港, 大家都怕禽流感, 對雀鳥避之則吉..... 行左大約 2小時, 出發去 布拉諾島(Burano): 彩色島 一去到就搵野食先, 成12點幾好肚餓 lu, 求其入左間餐廳, 後尾發覺網上都幾多人講, 但係味道一般, 呢餐用左 38 EUR....其實食 pizza同意粉真係食到厭厭地 彩色島, 故名思義, 係島上好多 color, 建築物用唔同顏色~~ 影相出黎真係好靚~(實際其實無咁靚 XD) 影返張合照先~ 店舖顏色好優雅~ 其實住係度都幾困擾, 因為成日都有遊客黎, 所以請大家記得呢度係住宅區, 不妨將音量收細, 以免滋擾到當地居民~~ 呢間屋真係好有特色, 好靚 !!! 幫吳太影返張造型照先~ 現實景像就係咁, 其實條河係幾污濁咁 (縮圖睇唔清, 請按圖放大), 冬天就 OK, 夏天唔知會唔會更惡劣~ 我地發現, 其實呢個島有好多塔(定叫鐘樓?) 都係斜既~ 究竟係地面不平, 還是甚麼原因呢? 就好似呢座咁, 其實又係斜斜地~~是特色嗎? 威尼斯的確是影相一流的地方, 唔駛執相, 個景都係一絕~~ 行過見到有條巷, 行到入去可以係乜都見唔到, 最右圖, 我其實係入面的~ 係彩色島左穿右插, 又遇到一間別具一格既屋仔~~好靚啊~~~ 其實個島唔係好大, 但係要行返去搭船既站係要d時間, 因為唔係度度都有橋, 所以要搵路過對面, 甚至行到中段先有橋過去~~ 搭船返去都已經入夜lu, 夜晚去左 里亞托橋 Ponte di Rialto, 橋既兩邊好多店舖~~~ 人來人往 難得見到有街頭表演, 企係度睇左一陣, 頭段玩水晶球玩得好出色~~ 呢度附近都好多舖買玻璃制品, 價錢都幾平下, 所以大家可以係呢度採購~ 最後我地買左面具, 玻璃製品, 絲巾 , total 23 EUR~~~ 搭船經過時睇下威尼斯夜景, 但環境太黑, 好難影得清~~~ 呢日太累, 我地兩個決定去supermarket買杯麵同飲品, 返酒店食杯麵算喇~~~~