呢排實在太懶, 一直都未有 update 返之前既旅行~~~ 搭國鐵去威尼斯 Venezia S. Lucia, 呢個係本島既站, 普遍人覺得住宿較貴, (可能我係淡季去, 一晚1000蚊以下, 我唔覺得貴) 有人會因價錢而選擇住 Venezia Mestre 10點去到, 螢幕上未有顯示我地搭既國鐵 所以我就埋去自動售票機度禁下, 睇下有無我地搭果班國鐵, 有無delay之類 部機連中文都有, 極度方便, 即場買飛都唔駛擔心唔識用, 網上預早購買 : 兩個人 total 59.8 EUR 現場買: 一個人 49 EUR , 兩人共需 98 EUR 最後 delay左 5 分鐘左右~用左兩個鐘時間, 由佛羅倫斯去到威尼斯 lu~ 落車後, 發覺有隻雀跳左入去車廂, 有一刻我天真咁諗 "佢會唔會 唔識出返黎, 然後開車?" 但我諗, 佢地已經習以為常, 甚至乎......國鐵係佢地既交通工具 XD 卡通片情節嗎 :) ? 第一時間要搵呢間買 Pass, 因為唔買 Pass的話, 交通費都幾甘嫁~ 由於我地只玩兩日半, 所以買 3 days pass 購買種類如下: Rolling Venice (只限6-29歲) : E$6 x 2 = 12 EUR (買左呢個, 再買Pass會有優惠) ACTV 3 days Youth pass +Transfer Marco Polo Airport (ONE WAY) =E$28 x 2 = 56 EUR (若唔用 rolling venice, 要46 EUR/張 x 2 = 92 EUR) Total = EUR 68 三日內既交通暢通無阻喇~~去旅行玩最緊要方便快捷 ! 網址按我 出去跟住 GPS 尋找酒店, 無須理會任何途人~~~ 威尼斯係水上都市, 用橋黎連接唔同既地區, 所酒店千其唔好揀咁遠... 搬住行李行樓梯, 真係好累嫁 !!!! 再加上未必識路, 所以可能行來行去... (上圖果條橋咁岩係中間位置有斜路比人拉喼, 但唔係條條橋都有嫁 good luck) 去到酒店 Hotel Olimpia Venice, 已經 1 點半 酒店其實好近, 但都搵左一段時間...搬行李搬到癲, 如果d橋係斜路就好, 可惜唔係 !!! 間房好金碧輝煌, 呢條門匙勁重....... 間房好大好寬敞 ! 周圍又乾淨又舒服 ! 正, $800 左右一晚, ok la ! 係酒店出黎之前, 記得問酒店職員拎 map 啊~~~ 放低晒野落去求其搵左間餐廳食 Lunch, 結果又中伏了..EUR 35.7 (本身 tripadvisor 搵左一兩間餐廳, 偏偏就係太多人/唔岩口味) 行過呢個地方好得意, 睇住間 display既私家車搭升降機落左去地庫 ↑↑↑↑↑ 本身display架私家車就係呢個位 (遠處) 威尼斯既交通全部靠船, 亦稱水上巴士, 呢個就係站 記得上船前, 要拎張 pass 嘟一嘟, 唔嘟既話, 即使你有 pass, 若比人check中, 要罰錢嫁, 大家唔好駁, 見過幾次都有人突擊檢查 ! 所謂既水上巴士就係咁既樣, 都幾大隻, 入面有得坐, 幾舒適 ! 我地鍾意坐船尾, 方便睇風景, 係凍左d lor~~~ 初到威尼斯既遊客, 推介坐 1號水上巴士, 基本上呢架船會兜晒大部分景點, 可以一路搭住船, 一路睇下風景, 好爽嫁~! (尤其是我地今日得半日時間) 威尼斯自然史博物館 Fondaco dei Turchi Chiesa di San Geremia Casinò di Venezia 呢d大雀好惡嫁 ~~ 貢多拉的影子~~ 里亞托橋 Ponte di Rialto 點擊圖片放大 橋上面5字隔黎塊牌好過癮, 係對眼黎, 叫人小心睇路 ? 安康聖母聖殿 Basilica di Santa Maria della Salute 搭到後段就落船睇下野先, 因為想睇既景點係附近 好鍾意外國呢d諗頭, 前方果棟建築物維修緊, 專登整舊野出黎掩飾, 遠睇真係睇唔出 真係見識少, 呢d流動商舖真係好流動, 唔係花園街/女人街果隻要拆來拆去, 呢隻係可以電動收返埋變成一架車仔咁 (圖中正在收舖) 到最後會變左咁樣一架手拉車咁拉走, 好方便 !!! 景點之一 : 嘆息橋 Ponte dei Sospiri 囚犯們在總督府接受審判被宣判後,從總督府經由嘆息橋走向死牢,他們面臨的將是永別俗世,嘆息橋有如隔絕生死兩世,所以從密不透氣的嘆息橋走過時,從橋上的窗口望出最後一眼美麗的威尼斯,不禁一聲長嘆。 聖馬可廣場 Piazza San Marco 呢個廣場好寬敞, 好多雀, 重有好多人會拎住d雀飼料叫你餵 (當然要收錢), 所以要小心 ! 我地終於知道點解早午晚餐都有麵包, 其實d麵包係要黎收埋黎餵雀 XD 因為d包太硬....! 聖馬可大教堂 Saint Mark's Basilica 本身以為免費, 點知入到去先知要收錢, 所以無遊覽 lu, 今次旅行睇得太多類似建築, 所以我地係威尼斯無特別入內參觀, 好多只係睇下表面~ (所以我地兩日半都足夠睇晒, 要遊覽既應該唔得lu~~) 聖馬可廣場附近有賣玻璃制品既店舖, 可以參觀下, 但價錢並不便宜 5點半左右入夜lu ,聖馬可廣場既夜景更漂亮~~ 重有d燈飾會開添, 影相都幾靚丫 夜晚係威尼斯左穿右插咁(無迷路的話, 就不算去過威尼斯, 是真的, GPS都唔掂 XD) 去左一間餐廳 Taverna San Trovaso 食飯, 呢間餐廳係幾個 blog都有提過, 一於去試下 叫左杯餐前酒, 幾好飲, 可以一試, 就係咁大杯嫁喳 ! 右上果隻餅乾好食 :) 右下既墨魚麵都果然名不虛傳, 好好食 ! (食完記得抹嘴, 會黑晒嫁 ! ) 網上有人話呢間舖頭唔 like 華人去食, 亦無乜禮貌, 但我係現場食又唔覺得有任何不禮貌既對待, 反而香港人真係食慣快餐咁, 我地兩個食得少, 又食得快, 見到隔黎枱既外國人, 食既份量係我地double, 此餐盛惠 43 EUR ~ 黎左大半日威尼斯, 真係好靚好靚, 成個城市係一個好浪漫既氣氛 (當然睇下同咩人去喇), 搭住船睇下景點, 好舒服好 relax !!! 但夜晚d巷都幾黑下, 可以既話帶備電筒會好 d ~