hea下hea下咁就黎到 Day 3~~~ 晨早食完個早餐, 0830 左右就去車站 買張the mall shuttle bus既車票~~~來回 EUR 13/人 車站果度有其他公司可以揀, 好似平少少, 但我地無去揀 買完飛就坐上車等開車喇 0850 準時開車~~~~ 沿路D景都好靚, 米住?? 究竟我地係去邊? 做乜搞搞下去左郊區 ? 原來 the mall outlet真係郊區位置...所以車程都唔短~ 搭架車好好訓 Zzz........幾靚既景都阻唔到我 !!!! 留比吳太欣賞喇~ 終於落車喇~~~ 時間為 09:40~~差不多一個鐘車程, 一去到就見到大大個 Prada 同 Gucci (原諒我對品牌無乜認識, 其他唔提了) 可能真係淡季, 唔算太多人, Prada都係排一陣就入到去, 個個入去瘋狂搶貨, 唯獨我地係周圍參觀下, 好多都揀唔落手 XD 因為靚D 都成千幾 EUR 無預咁多 Budget XD 最終我地買左一個 PRADA 既紙袋 ^_^ (怎可能_) 戰利品只係兩個袋, 唔算太貴既~ 聽聞 the mall 係男人傷心地, 慶幸吳太對名牌本身都唔大興趣~~掛 ! the mall 已經有得搞退稅, 但我地無係度整, 因為我地唔諗住退現金, (基於我地D EUR夠用, 好多已經預先 credit card比晒 ) 所以我地係打算去機場先一次過搞退稅, 退落信用卡 (若果係呢度現金退稅的話, 去到機場離境時都應該係要比海關蓋印的) 行行下想去廁所的話, 係 Gucci後面, 升降機旁邊的就是喇~~~ 要提一提醒大家, 係 the mall 發生左一件不愉快事件, 當時黎到 the mall 無耐, 有個外國女性係度叫我簽名支持禁毒, 簽完話要捐款, 又話 EUR 50 - 100 , 我見有人捐 EUR 20, 所以就捐左 EUR 20, 之後重比埋張收據我添 本身一心諗住真係慈善野都 OK, 捐完上網一 search = =.....中伏了... 我自責左一段時間, 實在太蠢了,我一開始重以為係 the mall 既認可慈善機構......\_/ 無諗過係無人負責去阻止呢d活動..... (感覺就好似你去左香港一個知名商場, 然後有人叫你捐款, 但原來唔係認可機構...) 所以大家記得, 無喇喇有人走黎同你好nice咁傾計, 9成都係不懷好意 ! 大家要小心 !!!! 12:30 搭返 shuttle bus 離開 the mall~ 13:30 返到酒店放低 d 野就出發去食 lunch !!! 我地揀左一間叫 Trattoria Za Za 食扒餐既地方, 有得揀舖內或者出面玻璃屋入面既地方坐, 我地揀左係舖內用餐既~~ 意大利餐廳真係好鍾意比呢款包.....乾爭爭...唔鍾意食= = 分別叫左兩塊扒, 炭燒味好重下, 味道幾岩我食, 吳太就一般般~~ 呢度 d人興叫一份好大既扒....但我地應該食唔晒無叫到 :) 大食又有興趣既, 歡迎一試~~~~呢間餐廳算係不錯之選, 呢餐 EUR 43 ~ 跟住我地行返酒店, 再去另一方向既 Supermarket ! 真係步行左大半個佛羅倫斯呀~~ 期間見到白色果架車仔, 架車真係好細又矮身~~別具一格 係佛羅倫斯街道上, 你會見到有d 金屬垃圾筒, 原來係會有架車成個垃圾箱吊起, 唔吊起都唔知原來係咁大個嫁 ! (上圖橙色吊機果舊, 有一大半都係地底入面, 厲害) (pic from internet, 上面灰色果舊就係地面垃圾筒, 下面白色就係地底入面既儲存箱) 行左幾遠下, 終於行到黎 Supermarket (Esselunga S.p.A.) !!!! 開始 Shopping la~ 呢度d鐵手推車係要錢既, 所以我地拎橙色果隻(free), 一黎到果時見到 d 煎pan全部咁樣掛係度好型 XD 所以影張相 意大利 D 薯片唔係特別出色, 建議可買朱古力 同埋一盒盒既麵~ 行完後返酒店放低野又再出發晚餐, 今日我地唔想諗, 再去隊長面館 想食多次中餐, 因為下一日去威尼斯, 唔知重有無好食既中餐 lu~~ 是日完畢~~下一日出發威尼斯~~~!!!