2017.01.13 香港出發 !!!! 香港時間晚上 23:15, 搭土耳其航空去伊斯坦堡 TK0071, 當初買機票時好好彩, 比我搵到 夜機去, 去到當地係朝頭早, 咁既安排係最好, 因為上機可以即刻訓, 訓到咁上下就轉機 去到當地唔駛訓就可以立刻玩 (最理想就係咁, 但現實邊有咁完美?) 首先計漏左飛機會派餐, 而最煩係你唔知佢幾點派, 所以訓都訓得唔自在 ~_~''' 上機一個鐘左右就派左以下既野 Menu 有中文版, 唔駛慢慢搵英文果d係咩 最重要既物資~~~!!!!! 有拖鞋 , 眼罩, 牙刷, 牙膏, 耳塞, (潤唇膏?) 同埋襪 (其實我唔明點解會派襪 ??? 幾時著 ? ) 就如我所講, 唔知幾時開餐係令人唔敢訓 一點鐘就送上宵夜餐了 但個餐係幾好食既, 食飽訓覺都已經成點幾....Zzz....... 2017.01.14 羅馬第一天 落機前重有一餐早餐, 有粥食, 又係幾好味 ! 到伊斯坦堡機場(早左)係早上0540左右(伊斯坦堡慢香港 5 hrs) , 要等三粒鐘先轉機, 係呢個時候其實無乜野好做, 想用機場wifi, 但又要電話收到SMS先可以登記, 所以失敗左, 最後為左去 starbucks 飲朱古力, 我地拎歐羅去兌土耳其幣(TRY), starbucks 一杯大概 $ 15-16 TRY左右 (兌香港大概乘 2.1) 坐係度飲杯野, 發現starbucks係有wifi提供, 只要有wifi, 就唔怕悶喇~~~ 加上睇劇...好快時間就到 lu~~~~ 本身班機係 0920 起飛, 我上到機坐得無耐已經訓著左..... 突然間醒一醒, 我望一望見到係地面爭d以為已經到左, 點知....重係原地 = =...原來係delay未起飛.....足足30分鐘 又有一餐早餐食...狂食飛機餐, 但今次係唔好味既 (外國人食得好快, 尤其是粉紅色果個酸味奶昔....勁怪) 本身 1020(意大利慢香港 7 hrs)到羅馬, 變左 1100 先抵達 (用左兩個鐘就黎到其實好快) 有部足球機比人玩~ d行李好快就拎得, 拎完行李就去買 : 2張 Roma Pass 48小時(free第一個景點門票 & 交通) = 56 EUR (由於我地只係留兩日半, 所以唔買 72小時version) 同埋 TIM上網卡 10GB 可用一個月 = 35 EUR 呢個已經係最平既 plan , 我地唔需要通話功能, 淨係要上網已經ok (可使用熱點share wifi, 速度都幾快, 但間唔中會收唔到) 一出露天, 即刻感受到0度既威力, 真係寒到入肉, 尤其是對腳 !!!! 半個鐘搞掂晒d野就去搭 Leonardo Express, (可直接由機場去 Terimini車站, 每位 14 EUR) 有幾個售票商舖...第一眼都望唔到官方果間...... 點擊圖片放大 架列車隨時快過專車接送, 30分鐘就到左 Termini車站, 坐得又舒服又乾淨, 係列車度搵下酒店, 修改下行程 去到Termini站....睇車站個地圖搵酒店路線... 完美fake左我倆, 佢地圖個 " I am here " 係錯既, 搞到我地出左另一條街....(為左唔冤枉好人, 已double confirm佢tag錯位 = =) 令我地用左半個鐘先去到酒店 (明明 5-10分鐘就行到去) 放低完行李就要出去食下野, 唔係無力行景點丫, 但比個價錢fake左, 個價錢寫 2 EUR以為好平, 點知原來 2 EUR/ 100g, 最後食左 13 EUR...比左好大塊...重要非常堅韌 , 食到牙較都無力 = =... 之後我就決定左, 唔會再食預先整好晒既 pizza, 因為唔好味 ! 第一站係 西班牙廣場 Piazza di Spagna 搭 metro去到 Spagna 站, 一出站已經係, 附近好多名牌店舖, 鍾意shopping既可以係呢度盡情購物~ 睇下破船噴泉 La Fontana della Barcaccia 呢個地方都幾多人行~~淡季都咁多人, 旺季唔敢想像 外國人坐係度睇書, 玩手機, 傾計, 自拍..... 橫掂一場黎到, 行晒條樓梯做下運動喇~! 天氣凍, 行少少樓梯都上氣唔接下氣 但上到黎見到個view, 值得既~~! 跟住就全靠開住上網 GPS 行去 特萊維噴泉 (許願池 Fontana di trevi) "許願池有一個傳說,因此全世界慕名而來的遊客是絡繹不絕。傳說只要背對著幸福噴泉,往左肩方向將硬幣投入噴泉的池子內,許下的願望就會實現,但第一枚硬幣許下的願望必須 是重回羅馬,第二枚硬幣許下的願望才會靈驗,所以特雷維噴泉才會被稱為許願池。" 說法有幾種版本的, 可自行上網了解 其實最特別唔係個景, 因為羅馬既建築好多都係好宏偉 最特別係果度人頭湧湧, 大家都會逼埋去池邊扔銀仔, 當然我地都有埋去扔喇 , 記得, 係背對許願池 從左肩拋出去 ~~~ 街頭會有呢d賣畫, 但行多幾步, 你會發覺周圍都係呢d倒模 行去呢間出名既雪糕店 Giolitti ( Via degli Uffici del Vicario, 40, Roma) 2.5 EUR 就食到 兩球, 真心抵食 (因為一球好大) 食開心果味 Pistachio (意大利口味, 推介一試) 我係配椰子味 (還不錯), 吳太係配芒果味 (偏酸, 麻麻地) 行到去萬神殿 Pantheon , 見到呢個噴泉, d雕像好樣衰 hahaa~~~ 免費入場既 (8:30-19:30 / 週日9:00-18:00) (萬神殿的最大特色就在於它這個超大的穹頂) 萬神殿設計, 中心點呢個窿, 係無掩蓋物既, (好在無落雨, 落雨應該會濕晒) 行左去 Piazza Navona, 已經5點左右, 差唔多天黑~~~ 點擊圖片放大 Fontana dei Quattro 四河噴泉 同埋 周邊既噴泉 由於我地唔係熱衷藝術人士, 只係走馬看花 :) 臨走前係呢個人身邊行過, 都無發現佢係表演者, 真係好專業, 亦無乜人發現佢係表演緊 XDDD 企左係度望一陣, 條呔同個笑容都好正~! 搭公車返酒店抖抖 ( 搭果時搵唔到公車直接返酒店附近, 求其搭一架係metro附近落, 再轉metro返去termini, 呢個就係買 pass既好處 提醒大家, 上公車記得拍卡/買飛, 被人捉到要罰款, 不過羅馬唔係好多人會咁做, 但唔好冒險喇) 夜晚去左近 Termini既餐廳 PastaritO 網上有blog話佢平價抵食, 所以就去試下 (呢餐連飲品 total 26.9 EUR) 點知係勁大碟囉 ..... 我地兩個都食唔晒, 睇相可能唔覺好大碟, 但實則係一碟有成二至三人份量 (香港一餐係呢度既 1/3 左右喇) 所以如果大家有興趣黎食, 建議叫一碟加其他食物算喇 !