今年生日, 我又送了一個旅程給自己^^ 目的地是沖繩的外島~~石垣島。早在第一次到沖繩時已經想去這個島, 可惜時間不夠。幸好, 知道舊年開始 HK Express 開了直航到石垣島, 所以便決定去一趟陽光海灘之旅。 可惜天氣不預期, 又有誰估到 10月中, 沖繩還會打颱風呢, 仲要係超級果隻!! 所有計劃要去的地方, 要玩的浮潛全都沒有去了。 不過, 感恩的是, 雖然遇上颳風, 但至少我安全, 去不到的地方, 玩不到的浮潛, 可以下次再去。我一直都是這樣想, 雖然今次石垣島之旅, 沒有期特的陽光, 但我卻看到了石垣島寧靜的一面, 來了一趙心靈之旅。 Day 1 ~~ 乘坐的是HKEpress 直航到石垣島的航班, 早上 0745 香港出發---> 1055日本時間到達。航班沒有delay, 比預定時間早到達石垣島機場。 石垣島機場很細, 大概用了20 mins 辨好離境手續, 正式開始我的旅程啦。 一出機場, 向右邊行, 會見到巴士站同石垣空港, 我先到機場內的電訊櫃檯買電話卡, 8 day ~2 GB。 之後, 就去搭巴士向民宿出發, 民宿主人很好, 因我會住4天, 佢叫我買5日day pass(2000 yen) 因為每天都會搭巴士周圍去, 所以買 day pass 真係抵好多。同埋基本上所有巴士線都可以用。 巴士卷可以上巴士時向車長購買便可。 第一站, 先到民宿放底行理, 跟住就再去市中心逛街啦。 去市中心, 可以搭 4 / 10 號巴士住機場方向巴士。可以在石垣島碼頭下車 (Ferry Terminal) 其實市中心不大, 所以只有留意下沿路的商店便知道應該怎樣行。 因為當時, 已經開始打風, 好大風同時開始間中下雨, 所以在街上的人不多, 跟沖繩本島那霸的國際通真的熱鬧完全不同。不過, 這樣也好, 完全可以放鬆, 不用同人逼。 在大街小巷中遊走, 沒有高樓大廈, 只有平房, 加上陰天, 下雨。好像回到 <阿信> 時代的日本一樣, 好有懷舊 feel。 點擊圖片放大 本來想食石垣牛, 因為成條街好多食燒肉的食店, 全都是細細間的, 可惜午飯時間已過, 又未到晚飯時間, 所以就搵左間西餐廳食下午茶啦。 點擊圖片放大 +2 這間西餐廳都有石垣牛食o架, 我就點了一個石垣牛漢堡包。個包都幾大個, 同埋個漢堡包是烘焙過的, 所以好脆, 而牛肉非常 juicy , 好好味。 本來打算再行一陣, 夜點再去食晚飯。 可惜開始下大雨, 所以只好去便利店買點食物, 再回民宿啦。 回到民宿, 雨又停了, 剛巧日落時份, 可以望到太陽光芒緩緩落下, 感覺好好,好平靜, 我在石垣島的第一天。 更多玩樂分享 Facebook 專頁 : [ Grace的玩樂遊記] Instagram : [is_awonderful_life]