到左台北之旅的第四天,當然是到西門町shopping 喇! shopping 要注意的係唔好太早去,12點後等d舖頭開哂先shopping 就可以慳番好多時間, 唔洗行完一次又再行過! 不過shopping 之前當然就係先醫肚,我地食左好出名的阿宗麵線,間舖頭在峨眉街,不難找的! 佢冇得堂食,所以個個買完都係站在舖頭兩旁食。阿宗麵線點解咁受歡迎?我諗其中一個原因係佢一早已經整定,一舀就係,唔洗等好快就有得食,當然,我就更係湊下熱鬧,我地叫左兩個細碗的! 阿宗麵線同平時食的麵有些唔同,佢ge麵特別幼細,仲幼細個米線,佢仲有豬腸,個味唔錯嫁!你仲可以加其他配料例如柴魚同筍絲!好多人企係到揸住碗麵食嫁! 西門町除了阿宗麵線之外,仲有一樣野係旅遊書上面推介必食的,就係’’鴨肉扁”,其實鴨肉扁並不是吃鴨肉的,而是吃土鵝肉! 我如本以為呢d鵝肉係台灣鵝,但原來佢真正來源係從中國潮州引入台灣飼養的!既然佢唔係‘土生土長’,我覺得佢‘土鵝肉’呢個名就有d誤導了@@ 呢間野係西門町武昌街先有,其他台北地方係冇的, shopping行到悶悶地去試一試就岩喇! 好多人或者覺得連皮食會好肥膩同唔健康,但係呢個鵝肉唔連皮食就會好乾。因為佢d汁全部都保留係皮入面,如果你點埋佢提供俾你果兩種醬,就岩岩好了!唔知係咪因為老字號,價錢都唔平,食左400台幣。雖然係貴左少少,但山長水遠黎到冇理由唔試下! 走果陣見到有d年青人彈結他,哈哈,好熱血呀! ___________________________________________________________________________ 台灣夜市 到台灣的四日三夜,我去了三個夜市,分別是士林、帥大和輔大。士林夜市應該係台北市內最大同最廣為人知的夜市,本來以為夜市應該係有好多野玩,但係我行完成個士林夜市,只覺好多野食,但係就唔見有攤檔玩!如果你想玩,就應該去輔大夜市了!輔大夜市係一個新興的夜市,很多年青人都會去,但係佢既營業時間只係星期二、五、六、日,所以去之前記住check 下佢個開放時間喲!輔大夜市離輔大捷運站也頗遠,如果你由捷運站過去,最少也要走15分鐘先到。 出左捷運站,我問身邊那位人兄點行,佢話:跟住人群行就得喇! 但問題係唔覺有人群bo=.= 佢:前面咪有對後生仔lol,跟住佢地咪得lol 我:好喇! 咁於是我地就跟住佢地黎行,點知愈行愈唔對路!完全唔覺我地係身往’’熱鬧’’的方向行緊!於是,我就決定唔鬼信我隔離果個,走左入一間7仔問個職員到底輔大夜市點行。 職員:唔係呢邊,你地應該反方向行呀! 所以話呢,跟住人群行呢招係唔work 既! 點解會冇人群既呢? 後來我發現呢個輔大夜市真係有點偏遠,台灣人基本上係唔會搭捷運然後行過去的。他們通常會架機車,然後停在附近既一大排停車格,所以十分方便! 雖然行左好耐,但去到都係值得的! 一入到去就見到各式各樣的攤位,有投籃機、射箭、麻雀、撈金魚、射波等等,大部份獎品都係送毛公仔! 有d攤檔仲可以幾個人一齊比賽,一齊玩的,所以好刺激嫁! 主持人首先會講下呢round 要求係點,參加者就要鬥快達到要求贏獎品! 有好多人圍觀,我當然也不倒外! 燒石頭玉米好好食同好香! 蒙古烤肉我冇試,因為行到好熱費事又食熱野了!但都幾多人坐低食嫁! 呢個混蛋爆蝦個樣好吸引,吸引左我去試下^^其他夜市唔覺有呢樣野,好似得輔大先有得食。佢基本上係一隻蝦加一隻鵪鶉蛋,制作方法有d似燒八爪魚丸,然後你可以選擇調味。調味有四款:原味海苔、芥末口味、咖哩口味同香辣口味,我就鐘情於海苔^^ 上面提過士林夜市有好多好野食,廣為人知的例如炸雞排、生煎包、鹽水雞、士林辣豆乾、蔥油餅、燒餅、涼麵、士林大香腸、大餅包小餅、蚵仔煎、花枝羹、天婦羅、藥燉排骨等,但我係到就唔多講了,反而想講下大家比較少聽的泰式香蕉煎餅! 佢有三款味俾你選:香蕉煉乳、香蕉蜂蜜、香蕉巧克力。個皮係人手打 (即叫即整),所以制作需時,但係超好食。我在輔大都有食過香蕉煎餅,但質素就同士林冇得比了,因為輔大的皮係布超市現成買的皮,食落去硬到不行,市林果個就軟好多,個樣仲令好多tim! 點擊圖片放大 ___________________________________________________________________________ 去左台灣四日,我覺得台灣人係好熱情好客的。有次搭公車冇零錢,咁我就去問一個台灣女生借10台幣,佢二話不說的從銀包拿了十塊給我,好感動啊! 哈哈,可能我個樣點睇都唔似騙子喇! 好彩有佢幫手,唔係就要搭霸王車了@@ 台灣人仲好聰明,呢個係環保袋,用黎放關東煮的。佢個袋本來係一個四方形的平面,升起之後就變左咁,可以慳番d物料整個袋,good!