香港有兩大主題公園,一個係迪士尼,一個係海洋公園。我沒有特別偏愛那一個,因為兩者的入場費都不便宜! 我唯一一次去迪士尼是去年的萬聖節,起初對迪士尼沒有多大興趣,但看見很多朋友在面書上分享迪士尼黑色世界的宣傳片,剛好又有朋友約我,那就到香港迪士尼見識見識吧! 雖然迪士尼規定不可帶食物或飲料進場,但有一條”不明文通則”是職員在檢查’’香港人’’的袋子時沒有檢查內地人的那麼嚴,所以我偷偷的帶了一枝水進去。在迪士尼的餐廳消費實在太貴,我這個學生仔當然是要想盡方法節省喇! 首先,我到了「探險世界」看獅子王表演。“ Can you feel the love tonight” 那一幕, 表演者的聲音很厚很悅耳, 配合一些演技和舞蹈,令整體十分有感染力。但是獅子王的故事我一早就讀過了,所以沒有太大驚喜! 看過表演後,到了「灰熊山谷」坐極速礦車。它並沒有180度反轉的車軌,一點也不刺激,但去迪士尼畢竟要玩玩它所謂的「過山車」,証明自己到此一遊! 走著走著便到「反斗奇兵大本營」,玩了 u 型,我選擇坐在最後一排,想試一試90度直落的感覺。它來回總共盪了四次,最刺激不過是在最高點給「拋」起的一下,時間不夠一秒。整個過程大概一分鐘,我個人認為是短了一點,但衝下去那種刺激感是不錯的^^ 很香的燒魷魚味撲鼻而來,我忍不住買了一塊試試。味道不錯,但已經凍了,所以感覺一般般喇! 工展會的燒魷魚是即叫即燒,捧在手上還是熱呼呼的,相比迪士尼真是好味得多! 不經意的夕陽 我還試了這個米奇老鼠的格餅,佢左右兩隻耳朵分別放了士多啤梨及糖槳,賣相十分吸引,但價錢就是50元一個,頗貴的! 至於味道方面,我就認為跟麥當勞的熱香餅是別無兩樣,加上佢口感很硬,食完口好乾,真係名副其實的好睇唔好食! 由於是萬聖節,我也湊湊熱鬧入去鬼屋玩,。我平常是不看鬼片的,所以入鬼屋當然是怕怕喇! 身邊果個朋友同我講:有我係到,唔洗怕bo! 我好似個心係定d,但係入面唔知邊有d鬼走出黎嚇你都係會覺得恐怖@@ 排左大概20分鐘便進場,原來係大概10個人一條隊入去,在我前面有3個女仔,我和朋友就跟住佢地! 入面其實唔係好大,行左一至兩分鐘就出番黎@@ 朋友一出左黎,就問我:你行咁快做咩@@ 我:我驚ma,咪跟住前面行lor 朋友:我都話有我係到你唔洗驚lol, 你快到我未見到鬼就出番黎! 我:@@(心想:其實我都見唔到鬼,偷笑),因為我個腦只係諗緊要跟實前面果三個女仔行,佢地俾野嚇完咁我見到咪冇咁驚lor!!!!! 朋友:記住下次唔好行咁快!!!! 我:好呀@@(心想:有下次先算喇!哈哈) 行行下見到個細路拎住閃閃發光的波,我好好奇望下,原來係棉花糖黎。幾經辛苦終於搵到賣棉花糖果個位,見到有人排隊就更係走過去排喇,點知,原來要先排俾錢果條隊 (xdd 呢條隧太短所以我冇為意,唉,又要再排過) 佢最搞笑就係個鬼樣係貼上去,棉花糖太甜,所以食左一半就算>< 「幸會史迪仔」係我覺得迪士尼最歡樂的地方,工作人員會帶我們到太空交通控制中心,史迪仔會選三個人同佢地講野,好搞笑嫁,呢個係我推薦和必玩的!! 哈囉喂時段迪士尼的關閉時間比較遲,所以果日冇煙花放,真的很可惜! 但係有隻意外收獲,好開心呀! 香港迪士尼雖然已經擴建,但相比起其他國外地方,依然十分迷你。佢依然能夠吸引一班小朋友和大朋友,除了是因為品牌效應,還是因為俾人一種夢幻童話的感覺,至於450元門票值唔值,就見仁見智喇! 下篇會談海洋公園......待續 ^^