第二天來到了信義區。首先到了永康街,由捷運站走到’’永康牛肉麵’’,途中也見到不少牛肉麵店,但係要食正宗同出名的牛肉麵,就一定要來這間了。好彩我岩岩去到既時候係12點,唔洗排隊即刻有得入。兩個人叫了兩個牛肉麵,一個係紅燒牛肉麵,一個係清燉牛肉麵。牛肉好有口感,因為係經過4-5小時的燉煮,好軟又腍。紅燒牛肉麵有點辣,我就喜歡清淡的,所以清燉牛肉麵比較岩我。如果沒有記錯,應該180NT一碗。牛肉麵是熱熱的,因為實在太好食,所以好快食哂,走既時候出面已經排了一條長長的隊,好多人都等緊食呀!!!!! 食到有點飽,當然就係散散步喇!見到有d’’藝術品’’,又見到有間幾得意的公仔舖,成間都係賣鬆弛熊的,哈哈,不過我對鬆弛熊的興趣不大! 點擊圖片放大 之後行到熱熱地,就坐低左食冰。見到’’思慕昔’’好多人食好熱鬧,就走左入去。佢d冰既size 都幾大,兩個人一齊share 就岩岩好了。我叫左個’’手工鮮奶酪芒果雪花冰’’,佢寫明係’’超人氣’’,就點都一定要試下既。佢個草莓味ge冰都好似好令,但可惜我個胃冇咁大呀,如果唔係隻隻味我都試下^^ 因為永康街實在太多野食了,所以過左冇幾耐,又去左’’府城’’,點了一碟招牌蝦仁肉丸,50NT,佢個皮係唔錯的,但係唔覺得有什麼特別,只可以說是一般般喇!之後點了一個無刺虱目魚肚湯,個湯好清甜,D魚係冇刺的,當然唔係話好滑喇,都唔錯嫁,值得一試! 食到口乾,去左’’Artista Perfetto’’飲野,環境幾令,好有空間感,完全冇壓迫的感覺,去到呢到可以好好享受下靜靜休閒的時刻。呢間咖啡店係6個香港男生到台灣開的咖啡店,拉花技巧值得一讚! 佢有個甜品係香蕉朱古力蛋糕,好好食,鍾意食甜野ge女生門應該都去試下喔! 佢唔只係有香蕉味,仲有香蕉果肉,所以係明副其實的香蕉朱古力蛋糕^^ d waiter 仲會耐心為你介紹佢地唔同口味的咖啡,服務態度超好的! 離開咖啡店,去了信義誠品行下,再去101大樓。最初這棟摩天大廈係叫台北國際金融中心,在2003年先改名叫101,依家係世界第四高樓。由外面望埋去101唔係好令,可能係我唔識欣賞吧! 500NT一張門票,有d人話唔值,但係望到全台灣夜景真係好令,唔知d玻璃窗係咪set左d功能,有時望出去係比較模糊,有時候就很清楚。唔知有冇人比較過101睇ge夜景同搭飛機睇ge夜景呢?? 旅行就是一個體驗的過程,必需自己親身經歷過才有資格評論的,值唔值得去其實都係取決於你點value 果個地方^^ 如果佢真係同你心目中有落差,你都不必失望,因為你沒有失去什麼,反而見識更多、體驗更多了!