喺大角咀呢種舊區,估唔到有一間格格不入既西餐廳--LOST STARS LIVEHOUSE BAR & EATERY。呢間餐廳位於一個新落成既住宅商場入面,而且夜晚會有live band演出。不過我地係下午去,所以就無live band啦。我地分別叫左一個Lunch set同Afternoon Tea Set。 Lunch set: 慢燉牛肋條貓耳朵粉(包一碗餐湯及一杯飲品)$108 慢燉牛肋條好軟好入味、搭配味道偏濃既焦糖培根、貓耳朵粉唔會過軟,煙煙韌韌。味道唔太咸又甜甜地,非常好食。不過就偏油左少少! Afternoon Tea Set $328 for 2 (配草莓/藍莓奶酪 | 咖啡 | 茶) 呢個Tea Set 包括6款小食,三款咸、三款甜。最特別係另外仲有配一個意大利布袋芝士配天然蜂巢蜜(另外可以選擇半硬芝士) 三款咸小食包括: 馬茲卡彭芝士小點- 馬茲卡彭芝士係製作tiramisu既芝士。味道唔會太濃,又甜甜地! 煙燻三文魚三文治- 呢個小食遜色少少,麵包偏乾、煙燻三文魚魚味比較重、唔夠煙燻味 自家煙燻車打芝士薯球- 炸得外脆内軟,車打芝士味香濃! 三款甜小食包括 (甜點內容視季節而定): 紅桑子芝士蛋糕- 紅桑子醬偏酸,芝士蛋糕芝士味道不太出,不過唔會太甜 迷你蘋果批- 肉桂蘋果味道香濃,帶一點點酸味,好開胃! 核桃朱古力蛋糕- 朱古力偏苦,核桃增加口感!非常好食! 意大利布袋芝士配天然蜂巢蜜: 意大利布袋芝士味道偏淡,搭配清甜天然蜂巢蜜、酸酸甜甜既提子、脆脆既cookie crumble簡直絕配!真係想食多一份! 總體食物環境都好高質!價錢適中、如果交通比較方便會再黎! 0 LOST STARS LIVEHOUSE BAR & EATERY: 大角咀利得街11號利奥坊一期地下506號舖