有時候放工后真係會想食好D,今次就去左公司附近既一間精品酒店Popway既餐廳 Uptop Bistro and Bar。 最近做緊中西Fusion既dinner set【味貫中西】,呢個dinner set係一個5 courses meal加一杯飲品。 Starter: 烟熏鴨蛋配烏魚子、西葫蘆配番茄汁 烟熏鴨蛋用龍井茶烟熏,有淡淡茶香,流心鴨蛋味道濃郁。西葫蘆清甜、搭配番茄汁剛剛好 Soup: - 粟米濃湯配花膠 粟米濃湯用粟米茸整出黎,比較清爽、真材實料嘅粟米濃湯。花膠唔會有腥味,而且好軟~ - 鵪鶉黑松露餛飩湯 清湯原本以爲會偏咸,但非常清甜,完全唔會咸。餛飩黑松露味道重。 Middle Course: 虎蝦伊麵配龍蝦汁 虎蝦爽甜,龍蝦汁伊麵非常鮮味。 Main Course: - 鴨胸配鴨肝拌陳皮汁 新鮮鴨胸鮮嫩多汁,鴨味比較重。鴨肝味道濃郁、陳皮汁甜甜帶少少陳皮味。 - 菲力牛扒配紅酒汁、大蒜泥 菲力牛扒非常軟嫩,而且鮮嫩多汁。紅酒汁香濃、大蒜泥甜甜、非常香。 Dessert: - 炸淮山配桂花雪糕拌桂花糖漿 炸淮山非常脆、保留淮山脆脆口感,搭配桂花糖漿,非常清甜。桂花雪糕帶有淡淡桂花香味。 - 焙茶芝士蛋糕配紹興酒雪糕 紹興酒雪糕完全真係紹興酒嘅味道,帶又少少香草味,好特別。焙茶芝士蛋糕好濃焙茶味道、芝士濃郁但唔膩! Uptop Bistro & Bar: 尖沙咀漆咸道南117號珀薈酒店19樓