雖然我本身都係有眉星人,但有時真係好懶得化妝畫眉。但唔畫眉,成個人睇起上黎都好無精神!所以我終於扚起心肝去做半永久霧眉啦! 環境非常乾净,所有既針頭都係全新即棄。霧眉師人好好、好健談、會先問你意見,再俾意見你。始終我係第一次整,有專業意見係非常重要!根據我既面型,霧眉師提議我將眉毛既位置整體向上移,同埋因爲我自己麻麻直眉,所以要求有少少上揚同有眉峰。對眉、畫眉、調整眉形期間都非常細心。之後就係敷麻藥,約敷15分鐘就開始霧眉,霧眉師會帶上口罩同手套進行霧眉,好細心同手勢好好。過程要反復上顔色,痛就要出聲,霧眉師會再搽麻藥。我本來以爲要忍痛,所以無出聲,但我呢個紋過身、非常忍得痛既人都有少少頂唔順。好似我禁第一次做既人,記得,其實係唔需要忍痛架。成個過程大概兩個鐘、基本上兩個鐘后就可以濕水。但因爲我本身皮膚比較薄,有輕微出血,所以要起碼3-4個鐘先可以濕水。霧眉師都好細心提醒!之後都會俾返D藥膏你搽。 霧眉后第一日,顔色會比較實,好似蠟筆小新、3-4日左右會開始結痂,6日左右就非常自然啦。雖然未完全愈合,仲有少少痕,但化妝、洗面等等都唔會有影響! 如果大家有興趣,可以直接聯絡霧眉師! IG: bluie_blueee