聽朋友講峴港呢間洲際酒店係屬於"唔買都要黎睇下"嘅level。 酒店獨佔左一個山頭,我地當日包左車(用"Grab" call車都ok嘅),經過九曲十三灣,終於到左Lobby。成個環境嘅屈機程度,真係唔係個個城市都有呢個條件俾佢盡顯霸氣 ! 入到去都見有唔少人特登過黎影相。 點擊圖片放大 喺黎峴港之前,我已經send email book左位。 email address: LaMaison1888@ihg.com 因為佢地lunch剩係開星期五同六,所以預早book定好D。佢地會喺email俾番封confirmation letter同當日嘅menu你,如果有咩唔食,可以預先講定俾佢聽,佢仲會問你去食飯嗰日係咪for 特別慶祝, 例如生日或週年紀念之類,餐廳會送番個寫左特定字眼嘅dessert俾你地。 Dress code 方面,smart causal 就ok,男士唔好短褲拖鞋嗰類啦。 好喇 !入左lobby之後,平時去酒店餐廳就搭lift,但去呢間La Maison 1888 就要搭纜車,由天堂 (heaven level) 去番地面 (earth level)。 點擊圖片放大 入到去坐低左喺窗口位,可惜嗰日天陰落雨,但望住個無敵大海景食飯都令人心情好D ! 因為係set menu,唔需要點餐,只需要點餐飲就可以。 以餐廳級數黎講,佢地嘅wine selection其實唔多,加上是日唔係咁想攝入酒精,於是叫左兩杯mocktails。 發覺喺東南亞飲野,都係揀用熱帶水果做嘅飲品比較對路,明顯菠蘿drink係好飲過薄荷drink,薄荷drink人工糖水味過大... 是日4 courses menu + 左邊為餐廳介紹 之前食過其他米芝蓮法國菜,佢地都係講求唔同食材嘅配合黎達到味道嘅層次感。 今次頭盤個食法,係每一啖都係將所有野放哂喺一羹,再喺個口腔入面感受佢地融合左但又有番每個食材各自自己特色味道嘅影子。 柚子馬介休西班牙火腿蕃茄凍湯 - 出奇地夾 !火腿嘅油香同魚嘅鮮味和平共處,味道濃郁又唔會太膩。 慢煮羊肩and vegetable friends - Server介紹羊肩喺36個鐘之前已經開始處理,用慢煮方式烹調,係淋得黎仲有texture。 佢其實係有3個甜品,鑑於我並唔係一個甜品人,我只係比較欣賞佢呢一個pineapple carpaccio,刀功唔錯 ! 最後黎個petit four,由於太飽,於是打包拎走,包裝都唔馬虎ga。 之後再周圍參觀下間酒店就去下一站喇。 更多遊記喺 https://www.uncle7world.com/category/all/travel/