仲記得越南食府安南餐廳好幾年前同朋友一齊食過,當時仲記得佢推出咗香港較少有嘅順化菜式, 而且食物質素相當高,估唔到眨吓眼已經開咗五年,仲推出咗慶祝五周年嘅海鮮套餐, 當然要同朋友懷念一吓啦。 點擊圖片放大 走進餐廳已經感受到嗰份清雅嘅氣氛,以湖水綠色為主調嘅餐廳, 加上不少越南傳統陶瓷地磚以及擺設裝飾,營造出一個具東南亞色彩嘅環境。 今次五周年海鮮套餐其實都幾抵食,包括有兩道前菜、一款湯以及四款主菜、仲有杯餐酒。 點擊圖片放大 軟殼蟹米紙卷、柚子大蝦沙律 呢個五周年海鮮套餐先來兩款前菜美食,軟殼蟹米紙卷、柚子大蝦沙律各具特色, 柚子大蝦沙律相當清新啱哂做頭盤,而軟殼蟹米紙卷更加是出色, 米紙卷非常軟熟,加埋軟殼蟹嘅豐富口感,真係第一次食到咁好味嘅米紙卷。 番茄大蜆湯 湯底以番茄及大蜆為主,大蜆的鮮甜精華落入湯底之中,味道酸中帶甜相當醒胃。 點擊圖片放大 越式炭燒大頭蝦 呢個菜式真係回味無窮,首先大頭蝦真係超大隻且爽口彈牙,而佢嘅蝦膏更是精髓, 配上旁邊的濱海一齊食相當美味。 點擊圖片放大 南越香茅咖喱海鮮 呢個咖哩配上法包一齊的,咖哩味香濃但辣味唔強, 啱哂唔食辣嘅朋友,個人就很喜歡內裡嘅帶子、鮮蝦相當爽口。 藕籐韭菜花炒墨魚 香港比較少地方有得食藕籐,其實佢係蓮花頂部幼莖幹,味道爽甜而墨魚鮮嫩味道剛好唔會過咗火位。 砂鍋海鮮飯 其實呢個套餐都相當豐富,食咗咁多個菜式之後其實已經飽哂,當然到最後食埋呢個海鮮飯就更加完滿啦。海鮮飯內裡有多款海鮮之餘最緊要就係炒得夠乾身,食完真係好滿足。 套菜亦包了杯餐酒,可以同朋友慢慢品嚐,真正的美酒佳餚。