前排工作真係好忙攪到成日都約唔到朋友食飯,等到今個月終於完成手頭上的工作之後, 終於可以真真正正約朋友一齊食飯,今次當然就去咗搵大家都喜歡嘅日本餐廳啦, 而且餐廳內仲有房,真係服務周到之餘,亦食得非常開心。 今晚就同朋友一行八人一齊食呢個八人盛宴,前前後後共有十個菜式, 多朋友一齊食飯真係好,可以試多幾樣唔同款式。 前菜賣相精緻而且味道亦很好,其實佢係將好多爽口嘅蔬菜切段已成。 再將好多木魚絲放在表面,味道清新,係一個唔錯的前菜。 豚汁 出面日本餐廳比較少有,其實係用了豚肉、味噌及一些蔬菜, 煮成味噌湯,味道唔會過咸,而且亦有不少豚肉片。 石蚌魚刺身 活魚刺身上枱時相當吸睛朋友真係會爭住同佢影相XD, 初嚐石蚌魚刺身覺得肉質爽彈,加埋柚子胡椒有一點微辣,味道不錯。 點擊圖片放大 鹿兒島A4和牛刺身 和牛刺身肉與滑,食前可以包埋洋蔥及醬油一齊食,超級惹味。 汁燒鰻魚 鰻魚控嘅我真係對鰻魚情有獨鐘, 每次望見佢都會心心眼,今次亦唔會例外,如果加多啲汁可以送埋飯。 什錦天婦羅 天婦羅包括有南瓜、茄子、冬菇、鮮蝦, 整體水準亦很高,特別鍾意天婦羅唔會油膩, 以及鮮蝦相當大隻,亦很嫩滑。 串燒拼盤 拼盤內有多款串燒,而且賣相精緻, 特別佢個牛舌、煙肉燒年糕真係要推介, 牛舌爽口,入口冇韌的感覺,加少許檸檬汁味道會更突出。 煙肉燒年糕外面包著燒得香口的煙肉,加上軟腍年糕,令到口感相當豐富。 同朋友一齊食住串燒真係啱哂飯番杯清酒, 而且店內原來有超過100款清酒,真係啱哂酒鬼朋友。 日式牛肉鍋配御飯 今晚其中一個推介,講堅真係好好味,甜醬油加埋牛肉一齊食已經冇得輸, 而且牛肉份量亦都足夠,加上多款蔬菜、雞蛋等真係好抵食。 最後食埋甜品雪糕做一個完美句號啦。而餐廳有兩個VIP房,最大可以坐大約12人私隱度高,啱哂同朋友一齊聚會。