不經不覺就寫到第100篇⋯⋯雖然唔係成日會出post,但係計返平均每個星期都有1個post,算係好唔錯。 當初開始寫,係想記錄新生活。差不多兩年後,由被屋企人照顧得好好的自己,變成一個照顧得自己好好的自己。回顧呢段時間,學識好多嘢。同自己相處時間多咗,更加明白最想要的生活係點樣。 其他人睇我呢段經歷,可能覺得好簡單,好順利,其實當中亦到有好多大大小小的問題及文化差異。與其話係報喜不報憂,只可以講當初接受得呢個offer,就有準備接受唔同的挑戰。可能本身係樂觀正面的人,與其對生活抱怨,不如樂正其中。 還記得當初離開香港時,問一位喺香港工作咗幾十年的外國前輩,放開香港的一切,人工假期少咗係咪好傻?佢答話,人生有好多嘢比人工假期重要,如果你只係睇呢樣嘢,你唔會走。你將會有的經驗係用10倍人工都換唔到,好好享受新生活吧! 應付一些冷言冷語,現在的我會答⋯⋯唔好俾一些無經歷過的人話俾你聽此路不通,自己人生自己負責。幸好當初的堅持,現在擁有得更多,健康好咗,皮膚好咗,每一日都快樂地生活!