自從同事帶我去睇baseball之後,竟然鍾意咗,今日又再去睇! 今日有特別活動,所有女性觀眾入場的時候都有一件Fighters粉藍色加粉紅色邊的衫送,所以我都揀今日睇。幾乎全場女觀眾都著住呢件衫,真係好好氣氛。開場的時候,有機會俾小朋友入場同球員見面,好得意。每個球員都有自己的歌,出場時候觀眾會一齊唱,好齊心!今日Fighters所有的得分都係第一局發生,好彩準時入場。一場大約3個鐘左右,鍾意睇的原因可能係每局到對方擊球的時候都可以抖抖,唔似其他運動要一直集中精神。暫時未係好識各項規則,都係邊睇邊學啦! 暫時每次捧場,Fighters都會蠃,同事叫我多d入場支持呢!