6月又係半年一度出bonus的日子,今朝出咗internal mail,大家都好開心! 之後去事務部拎通知書,唔需要講,只要望住負責同事笑一笑,佢即刻知大家想要咩!上年啱啱開始做公務員,6月呢份bonus唔多。今次足半年,計返平時稅後收入,係兩個月人工有多!日本物價同生活指數同香港唔同,basic人工唔高,甚至可以話低,所以bonus係佔年薪好重要的一部分。 過咗嚟呢邊做嘢,雖然人工低咗,但係一路都有俾家用。如果同以前喺香港做嘢比,數目上係俾少咗,但係percentage其實係多咗,但係而家反而儲到錢。以前壓力大,幾乎個個weekend都去shopping,買到成房都係紙袋,但係可能到第二個weekend都未開。每個假期又會去旅行,搵得多駛得多。同事問我出bonus諗住買咩,我話無乜特別想買,都係儲起先。 而家生活簡單咗,追求唔同咗,可能真係年紀大喇!:D