不經不覺住咗年半,係時候出返個日常生活post! 來日本住之前,都睇過好多資料同blog有關申請電話號碼的問題。外國人要申請電話上台,銀行戶口等等都有好多限制。有見及此,出發之前喺Skype申請左一個日本電話號碼,只要有網絡的地方都可以用到。 最初申請半年,之後再續一年,啱啱又renew咗,一年只係HKD 184,通話先再計錢。其實住落無乜機會用電話,有咩事都可以用line搞掂。反而啱啱到要申請呢樣嗰樣的時候,好多時無電話號碼又開唔到戶口,到你去申請上台又話你無銀行証明⋯⋯呢個方法就可以解決呢個問題喇! 之前有一年成日去旅行,我都有申請Skype Phone Number旁身。最驚險的一次係當年SAS罷工,喺Copenhagen第二日要返香港,先發現其中一班機取消左,要打電話同航空公司追機位。好彩有用開,可以即時聯絡到,又留到contact,最緊要係比電話漫遊平好多!