話咁快又一個月,呢度就快變左月blog!今日又係要好好記低,大風雪到老細俾大家早d收工,可想而知嚴重的程度!其實聽日應該會再差,唔知點返工,要記住日本係無特別天氣安排呢! 第二個喺札幌生活的冬天,無左上一個冬天新奇刺激的感覺,變成生活的一部份。當有人問我鍾唔鍾意札幌的生活?我都會話好鍾意,因為有四季,同埋同大自然好接近⋯⋯如果冬天短少少就更好! 大家都問我有無去滑雪同snowboard?上個冬天因為隻腳未完全好返,唔敢試。到今個冬天,一年入面有半年時間過雪中生活的情況,都係留喺室內暖下好過。另一個原因係,自己一個人喺外地生活,照顧好自己最緊要。一個冬天都聽唔少人受傷,滑雪、snowboard或者行街跣低左,輕則扭親,重則骨折入院。當初一到埗整親已經麻煩到好多同事,所以喺可以控制的範圍內,我寧願做一個比較保守的選擇。 3月都係大家皺眉頭的一個月份,見雪見到悶!溫度開始徘徊零度上下,融雪地下成地啡色的水⋯⋯唯有寄望3月快d過,期待札幌春天呢!