上兩篇先寫緊札幌夏天,同香港一樣30度。今朝起身check天氣,竟然得返唔夠10度!!! 之前有寫過,過咗札幌住之後,購物慾低咗,而家衣櫃係完全唔需要換季。除咗物慾低之外,四季通行的衣櫃其實係有實際需要。好似剛剛呢一個星期,超過20度溫差,每朝都要check清楚天氣先換衫返工,否則好容易冷親。 其實我都幾enjoy呢個溫度,比起上星期熱,我都係鍾意凍多啲!