DAY 5 FraserIsland 費沙島一天遊 我們由bundaberg邦德堡 - Kacy's Bargara Beach Motel起行, 駕駛去到RIVER HEADS大概1小時30多點點就到碼頭等上船啦! 我們又是預先網上book左島上一天遊,包一個午餐自助餐,我們上船時間是早上8:30, 所以又要早30分鐘到,眼都未開啊,眼訓到暈!@@ 上沙島玩請注意: 上沙島玩的話一定一定要先預約,因為去到個島周圍都是森林,係唔會有任何店鋪比大家 join團,如果唔係你就企左係度架啦! &因為去這島的船是可以連車一齊上島玩的,但我唔推薦大家駛埋車上島了, 一黎如果想連車上島的話,你一定要有駛沙路的經驗,車一定一定要是標淮 的四驅車,因為萬一部車陷左落d沙既話,係無人會救到你的,唯一辦法就是call警察去救 你喔,因為島入面100%是沙路來啦,同埋島上d信路收得唔多好呢! 因為要勁早起身的關系,我妝都無化,淨塗太陽油便算,哈! 這條就是連車上船的隊! 我都好想咁樣連人帶車上船玩,好正啊!!!羨慕中.......... 我覺得咁樣望住人地倒後駕車上船好好睇架!哈 D車上晒船,就到人上船啦!!! 我周圍眼望好似得我地3個係華人面口,哈........好開心!! 剛好座滿了,開船LU............ 我們預先BOOK左的LOCAL團,我見部車都上埋船啦!!! 我地3個因為實在唔想曬黑,揀左個超靚位,凳位上面有瓦遮頭架,HAHAHa 船程為45分鐘 吹吹下海風,我地唔覺唔覺就訓著左了 到了,準備下船啦!! 哇,我是咪去左朱羅紀公園啊!wOOOOOO 我覺得自己應該發緊夢,果腦係咁諗我究竟去左邊,XDDDD!! 落左船,就即刻上車搵個位先! 大家一座好,私機叔叔就話,大家請扣好安全帶,因為一路都會好''凳'',會成個人彈起! 唔係講笑,全日D路真係彈到飛起,請大家唔好食到咁飽就上車,唔係包你會嘔返D野出黎 WOOOO..........第一次座係車上面,全長有75哩海灘上飛馳,好爽啊 第一站 瑪希諾號沉船遺骸 點擊圖片放大 +2 係就係大風左小小,自己就下位影啦,HA 個沙灘好大大大大大啊..........(因為真係好大,所以要講5次) 只能用羨慕的眼光看便人的車係沙灘飛馳了 釣魚友 第二站: The Pinnacles Coloured Sands 我對石頭真係無乜興趣,我無落車啊,直接係車上面等老公影相返黎好過,嘻嘻嘻 點擊圖片放大 第三站: Eli Creek 喂,呢個堅爽皮啊,d水好清涼啊,講得係溪,就當然是淡水啦! 搞笑地方係,溪後面就係沙灘,可以鹹淡水咁玩,哈! 我果刻真係好想換泳衣浸下水架,但我又唔想換黎換去喎,到最後都係浸下腳算! 見到就覺得正!! 行去溪水的盡頭望下先 果日完全睇唔到野狗,失望!!! d溪水真係凍到會叫出黎架,有d水位勁高囉,去到patpat位咁滯,死就死啦! 噢,我條裙已經中左招了,好彩澳洲太陽夠毒,唔使一陣就全乾了! 仲有得座小型飛機遊覽個島架,幾多錢一位已經忘記了XDDD 影張相留念下囉,哈 中午時間,係某間RESORT食自助餐,不過不失啦! 點擊圖片放大 我HANDMADE左個漢堡包,都好味架! 整個沙島的地圖 第四站: Central Station 遊熱帶森林 我一開頭心諗,大檸樂,無帶蚊怕水,我咪比蚊咬死!!! 好好彩一落車又唔熱喎,仲有D涼涼地添,其實都只係兜個圈,係咁姨行20分鐘姐! 人地部Tour車好正...XD 看,整個沙島就是這些沙路了!! 點擊圖片放大 +2 點擊圖片放大 第5站: Lake McKenzie麥肯錫湖 這裡已被列入世界文化遺產的景點喔!我去費沙島的目的,就係為左去呢個湖游水啦! d水清到以為去左泳池游水啊,因為平時我去沙灘游,玩兩下我好快就會上水, 但我今次真係第一次游水游到唔想走,可想真係幾咁好玩,正正正!! 但只係係個湖度留左1小時就要走了,涼都唔駛點沖就換衫走人啦! 點擊圖片放大 +8 我地玩到下午5點就要離開了,唔覺唔覺咁就玩左一日了!再見啦!! 係Fraser coast飛車返gold coast了,車程4小時! 我地回到gold coast已經晚上10點多了,好在家人已留菜,yeah!肚餓到飛起啊~