day6:大分縣行程:九重夢大吊橋,湯之坪街道,別府海濱砂湯,日式溫泉旅館+懷石料理唔覺唔覺我地已經玩左4個縣啦,明天day 7就走啦,已經有不捨的感覺,嗚!而我們整個行程玩法是:福岡>熊本>宮崎>大分>福岡,因為睇地圖車程係較短的關系,所以我選擇了大分縣為尾站喇!今朝我地係熊本縣酒店checkout後,又再轉酒店喇!因我地今晚會住係溫泉旅館喔,yeah第一站:九重夢大吊橋我地渣左5日車,行左咁多山路,駕車終於肚餓,搵個油站先!。 。由熊本渣去大分大吊橋,大概2個~2個半小時車程啦!我快影兩張相後,繼續大覺訓XD,因為基本上晚晚都只係訓得6-7個鐘就要起身了。 。 。上山去吊橋啦,上到一半見到個景,又落車睇下,可惜好大霧喔。 。 。旁邊還有間雜貨店, 雪糕依然無處不在XDD。 。WA.....又係大草原,打開個窗索兩啖新鮮空氣先。 。 。真係無咁上下技術都未必渣得店條山路,朋友仔就過足手隱啦,佢全程渣得好ENJOY啊....HAHAHA望下個GPS,d豬腸粉灣多到(我自己改的XD),呢個只係其中一個!。 。上上下山無啦啦又有大發現,見到梅花鹿啊,停車唔該...........XD如果要餵鹿的話,請自己乖乖自動比錢(果度係無人招呼你的),然後自覺拎裡面其中一袋蘿蔔就可以啦!如果餵完想再餵,再請自動自覺再比錢啦,但唔好貪心啊!。 。好開心ar,又見到動物!!D鹿食野食得好詩文架!又唔臭!。 。 。 。我無意中仲摸到個鹿角,唔摸過都唔知,原來D鹿角係好暖笠笠同淋淋地架。 。 。裡面仲有隻BB鹿,好打耳啊.............。 。哇,仲見兩隻雄鹿打交喎!。 。 睇完鹿,上車後我唔知訓左幾耐,只知道一打開隻眼,就到左我地第一站啦!九重夢大吊橋 。 。買完入場券,食小小野先!。 。 。 。 。 。上橋啦! 。 。 。YEAH,見到我們嘛!!XDDD。 。個男人唔知睇咩睇到腰都灣埋XDD。 。 。 。 。高度對比圖!哇,原來哥斯奶咁大隻架!!! 。 。 。行到盡頭時,可以去埋個展望台架!。寫就寫話5分鐘,計埋行條樓梯的話,10分鐘啦 。 。 。 。 。上面講到的展望台,其實要比錢架,比錢的話當然個景就靚D囉!但我地上到去,見有兩個台灣男仔比左錢之後,個閘無反應,但周圍又無人幫手,所以我地落返去影相算,都唔算太差姐!。 。 。 。 。回程了!!。 。又再行多次,一個價錢可以行2次,低喎,HAHA! 。 。 。 。我地準備去下一站果陣,係山上見到檔蔬菜店,落車睇下有無生果買先。 。 。即燒玉米,好正咁波。 。我地就買左個咩大陽之果今晚食(即係芒果),唔知係咪甜D架呢!。 。好舒服啊!周圍都係山山水水。 。 。 。點解我地會係酒店架呢?乜唔係去下一個景點咩?因為我地計過條數後,我地間溫泉旅館係包每早晚兩餐的關系,而晚餐係晚上6點30就開始,我地怕會趕唔切返去開餐,又怕如果到時先去到唔知有無得食,食懷石料理喎,人地要花時間去處理架嘛!所以我地都係做個有交帶既香港人好D,比人知道我地會CHECK IN先嘛!而呢間溫泉旅館係山裡面架,都真係幾耐搵,因為太多樹遮住曬個招牌啦,好彩我地黎搵定先咋,唔係夜晚都唔知點搵,肯定搵到過曬鐘都似!。 。 。WA,好有FEEL既溫泉旅館。 。而呢間溫泉旅館係當地兩公婆自己開架,所以真係FEEL到好有人情味!老闆娘超NICE,又好笑容,我見佢有本廣東話翻譯書,問我地D字點讀,好鬼過隱架姐!而圖中果間就我地2個既房,好大架呢!。 。第二站:湯之坪街道XD搞咁耐,終於去到第二個景點!呢個景點就真係多人啦,終於係度比我撞到香港人,唔知點解突然有種親切感!裡面都好多野行架,周圍D野好新鮮,影相都有排影,唔多講,去相! 。 。可能大家見D相我地好似好熱咁!之但係又唔係喎,係有太陽,但就可能因為較乾燥,所以一滴汗都無出過。 。 。 。 。 。 。 。 。 。 。 。以為東南亞地方先有,估唔到去到福岡咁遠都見到 ...XDDD係清邁玩過1次就夠啦,真係痕到飛起。 。 。 。 。 。 。 。見佢新鮮即炸,整條先!唔知係肚餓得滯,好味啊喂。 。呢度好有叮當大雄裡面D景FEEL....XD。 。 。同老公見到個加大版小丸子食,要等都值啦! 。 。 。真係好Q大粒,我同老公2個分享食一粒已經飽左!XDD。 。 。 。 。 。 。 。 。 。見呢間蛋糕店咁多人排,又排下囉,一定唔會差啦!HAHA。 。 。好滑好香啊,果種滑既感覺好似食緊佈甸咁,但其實自己係食緊蛋糕架喎(媽啊,我好亂啊)。 。 。 。 。 。 。 。估唔到朋友仔竟然去排隊買左個限量蛋糕返黎,做到野啊!拎上車o拍先!。 。上到車先發覺,喂......無送刀叉既點食啊!?算,即場發展我既小聰明,用蛋糕上既卡紙切開,然後再用手直接拿起食啦,HAHAHAHA!好香蛋味,又好軟綿綿,正。 。第3站:別府海濱砂湯哇.......好靚啊,咁岩個天又好藍,d相係絕無ps過架,原汁原味架!XD。 。下面呢張用電話影的,個天仲藍喔。 。 。行前幾步先見到,姨..........原來呢度先係入口處,XDDDD。 。 。玩蒸砂前,大家係要先用水沖乾淨個身,當然有份男女浴啦!沖乾淨之後,裡面乜都唔可以著,就直接穿上佢地比既浴衣行出去!@@溫馨提示:女士們如果咁岩果日唔方便的話,係唔可以去玩架!全程蒸左好似30分鐘咁上下,唔使5分鐘D汗已經喪標出黎,好正,好似幫身體排緊毒咁!。 。玩完蒸砂,出面有個免費溫泉可以比大家去浸腳架,個景更加唔使講啦,當然是望住個大海景啦,重點是,我終於唔使同人掙位座!我可以舒舒服服咁慢慢浸!所以唔知點解,果刻個腦突然閃起上次去清邁溫泉果個場景,大家同樣都係浸腳,但D靚位全部比D一隻隻既皇蟲座滿晒,你未駛指意可以座到埋去,我就只可以揀個叫做過得去既位浸,哇....望下佢地,再望下自己,果下真係乜興致都無曬!。 。眼前浸腳個海景就係咁架啦!係咪好爽皮先!。 。原來我地玩完之後,就係關門既時間,真係好好彩喔!。 。 。今日既行程已經全部玩完啦!因為差不多夠鐘返去溫泉旅館食我地既懷石料理晚餐喔。 。 。周圍都是田田田!(串嘴MOOD)如果你而家話請我去東京玩,我都未必會彩你,哈!。 。 。 。我地已經返到去溫泉旅館啦!隻喵係果兩公婆養架.......呢隻會周圍走,所以無咁怕人,但旅館入面另外果隻係驚人驚到相都影唔到!啊.......我差D講溜左個好重要既信息,呢間溫泉旅館係可以比''寵物''入住架,呢樣我覺得真係好好!。 。係囉,乖乖地比我影張相咪幾好XD。 。入住前,又要先除鞋,然後放係右邊的鞋櫃裡面!溫泉旅館好有日式風味啊,我好鐘意!間旅館係當地果兩公婆開,當然有日式風味啦,HAHA。花靜之宿山光園日式旅館 (Ryokan Hana to Nagomi No Yado Sankouen) 。 。 。 。因為係包兩餐的關系,晚餐同早餐都會去唔同既地方食ga,呢間係食早餐的地方!!。 。個電話我地玩過,真係打得出架!@0@。 。房匙。 。大家間房全部都係樓上,所以必定要先經過樓梯!。 。房間數目不多,一眼睇晒!。 。因為我係房整緊野,但佢地3個一早已經落左樓等開餐,(都未夠鐘,咁心急做乜姐)嘻...你地早到未又係要等埋我先,HAHAHA。 。老闆娘親自出馬幫我地開爐,再望下佢地3個既眼神已經講左出黎XDDDD。 。哇...............................哇.....................哇...........................。 睇返D相都已經流晒口水 相機食先..............XDDD。 。矛錯,我地直頭就好似VIP咁,只有我地4個人享用一間房!老闆娘幫合照,YEAH。 個天真係對我不簿,知道我想食靚牛,終於比我食到啦!好感動喔...................食到想喊。 有靚牛,當然又有靚豬肉啦。 。 。 。 。 。 。 。 。 。 。點解會對錯焦呢?因為佢地全部已經開緊餐,(老公已經食到忙我景界)只係得我一個仲係度影影影,最後果張我已經頂唔順,求其左,就出事喇XD珍珠米是可以任添的,佢地每人食左兩碗,我都唔執輸架,食晒一碗架!。 。飲品是另外叫的,好豪地,價錢都無問,就直接落ORDER了!XDDD我當然又叫了杯梅酒啦!HAHAH。 。食飽飽就上返樓了,哈,咁岩一開門喵喵就經過!(老公你未嚇親人啦)真係好難忘的一餐懷石料理LA..............。 。我同老公間HONYMOON房!朋友問,點解你地果間大咁多架..........哈............當然是有技巧架啦!因為我又出絕招囉....HAHAHAHA(唔好話我唔教你地,下次你地醒水啦)。 。 。我地間房出面個景,打開玻璃門再打開蚊綱,哇.............好舒服啊..............不過晚夜一定記得要關蚊綱,我地格住塊玻璃門見到D蟲多到.....見到都痕!。 。食飽飽一上房,佢地已經幫鋪好晒D床墊啦!我開頭都怕,其實會唔會好硬架呢?因為真係第一次訓!姨.........原來又唔會喎,一覺訓天光啊!。 。多角度再影..........XDDD。 。當我訓覺望住對門果陣,我個腦又閃個左影像出黎,姨...........唔知叮當會唔會係裡面呢?XDD 。 。估唔到仲有呢D電話用,手痕痕又廖兩下咁囉!兩下姐...........XDD。 。最最最好彩既就係,老闆娘同我地講,晚夜8點後就有得睇FIREFLY,我開頭以為我聽錯!咩話,竟然咁好彩又有意外收獲,又有螢火蟲睇@@(因為係沙巴睇完之後,真係仲懷念緊),實在太好了吧!WAKAKAKAA好好彩地都幾多螢火蟲睇到,因為我地去果陣時咁岩就係螢火蟲交配時間,數量當然唔夠沙巴多啦,係沙巴睇係多到好似睇緊阿凡達電影咁!(我無誇張架,唔信,自己親眼去沙巴睇啦)XDD。 係咪好好彩先,有相為證架!XDDD。 食完睇完,當然要慢慢歎個溫泉浴先啦!。 HA,我自己一個獨自ENJOY,班男人就係格離浸!。 舒服!浸前要先同個身沖沖水,浸後再順便沖埋涼先上房,因為我地間房係無花灑的,只得廁所一個!。 哈,浸完個溫泉,飲返包朝早係湯之坪街道買既溫泉飲品先!原來係yogurt味黎架!。 浸它完個靚靚溫泉,差D唔記得我地買左生果食!朋友仔就直接託埋個盤黎我地間房開餐!XD,你贏,真係估你唔到,擺到咁鬼靚,唔知以為你係係度做XD。