DAY5:行程:熊本>宮崎鬼之洗濯岩>宮崎日南海岸>AEON Mall>熊本我地又朝咁早由熊本出發去宮崎縣啦,車程大概2個半小時!!!因我BOOK果間酒店,無要到連早餐的關系,所以基本上咁多日裡面我地只係係便利店買個麵包然後上車食就算,我唔係講笑架,九州便利店D麵包係真材實料,個個都好好食!拿,咁就可以係度慳返筆又慳時間!XD!朋友仔D渣車技術真係好得,因為佢係香港日日都係靠開車搵食的關系,我地炸一時就到左宮崎縣了!WOO~~~ 第一站:宮崎鬼之洗濯岩 點擊圖片放大 +2 洗濯岩旁就有間可以買手信買食物的商店,我地又係度入左D貨XDD 係裡面買完野,行返出去有D小店,我地咁都又買到野,XD 第2站:宮崎日南海岸如果你問我呢個景點值唔值得去?我會話,如果你係鐘意海同花花草草的話,這裡是非常舒服的,但如果你係鐘意只係SHOPPING的話,這裡你可以不用來了!點擊圖片放大 +3 好大片海,好靚啊............. 我地見成舊石頭都係錢,見人地咁做,我地又玩下先XDD 幾咁辛苦先搵到個靚位,YEAH 好美! 點擊圖片放大 +7 可惜只租比本地人,外地人係唔會租的!我地有國際車牌都話唔得,>.< 我地當做下運動啦唯有,係咁行行行............ 入左昆蟲博物館行點擊圖片放大 +6 哇.....................................點擊圖片放大 +5 衝落去影相啦 ...GOGOGO 點擊圖片放大 +4 我地遠處已經聽到D叫聲,行多兩步見到後,原來有兩隻已經上了年紀的驢,旁邊有得入錢買乾糧比佢地食架!但呢個時候..........竟然開始有D雨粉,OMG!我地都買左兩包糧餵佢地啦!大家黎到時都做下好心,買包糧比佢地食啦! 仲見到2隻陸龜!但呢個時候D雨愈黎愈大啦喂,好彩我地已經回程姐!我地4個一上到車之後,D雨即刻炸一聲咁落,落曬狗屎咁啊! 好啦,渣返去宮崎市SHOPPING喔!但SHOPPING前,先醫肚啦喂!我食野不嬲都好小特登上網搵資料話食邊間既,因為我唔多鐘意焗限自己,想食邊間就邊間,咁先搵到樂趣架嘛,所以我地既午餐就黎左呢間小店! 點擊圖片放大 +3 因為我地4個都好掛住福岡屋台D拉麵,黎到宮崎又試下先XDDD 食飽就周圍行啦!!.....美少女轉身變已變成戰士.............XDD點擊圖片放大 +2 我最鐘意行呢D懷舊小店 門口既廚窗已經夠吸引啦 小時候的回憶,小飛俠 好多小朋友小食,全部都係10-30¥炸,勁多懷舊食物同玩具,睇到我唔想走 唔好話小朋友見到都開心,大人見到都一樣好開心 點擊圖片放大 +4 第3站:AEON MELL呢個AEON超級勁大啊,我地用左2個鐘都未行得完,有小朋友無有怕,門口就已經擺放了比小朋友座既車啦!我真係好佩服日本人既細心,我都好想座埋一份XDD 我一入到門口就已經比大大個PET SHOP招牌吸左過去WOO....好多狗仔啊........一望價錢.........咁多個零既.........200000幾萬¥......眼都突埋 連比狗仔食既都靚過人,呢D當然只係SAMPLE啦!HAHAHAAH!我地就係第一間PETSHOP乖乖地比左錢,買左D零食比屋企班大帝! 我同老公都有睇開卡通片版本,當然睇過都知有幾正!但電影版就未有興趣睇............. 老公話諗住睇下D波鞋,睇睇下就變左玩夾公仔.....HAHAHA 點擊圖片放大 我要呢個,唔該去唱D散銀返黎 妖,比左成千¥都無收獲,收手把啦!買都無咁貴!朋友仔仲大獲,玩左成2千幾¥XDD, 又比我發現呢D雜物店啦!裡面全部統統都係小朋友既小食,我同老公係度放血,因為全部都係幾蚊港紙咋,無理由唔掃嘛!XDD 點擊圖片放大 +3 行行行,又發現了民族店,又係度放左小小血咁啦!XDD好想全部帶返香港啊.................... 一部份收獲!!XD 行到夠,又夠鐘食晚餐啦!但一講到呢度真係把幾火, 我地原本諗住去食日本和牛架,諗住豪一餐,食盡佢,因我知道有間超出名食和牛的店,已經係拎曬獎又成咁,點知去到先知,要BOOK位!咩話,黎到第5日終於有間餐廳係要BOOK位,心諗大獲!但老闆知道我地好遠黎到,問我地等唔等,一個鐘後就有位,但望下個錶,一個鐘後就係7點半,又限食1個半鐘,食得黎,埋得單都已經9點半10點啦,但我地要渣返2個半鐘頭車返熊本喎,所以..........唯有放棄,求其搵到間見到有人排隊就閃左去食! 大鄉哩出城,我第1次見到牙攕係有薄荷味架 點擊圖片放大 +4