DAY4今日行程:熊本城,阿穌火山一天遊『南阿穌村白川水源、(LUNCH)高森田樂保存會、阿穌火山、騎馬』、回熊本晚餐+SHOpPING 第一站:熊本城因我地間酒店正正就住係熊本城附近,朋友仔話想去睇下,都係既,無理由唔去埋架嘛!好吧,唯有當日8點起身,9點就出門睇下當地既景點啦!買票入場啦。 。 。 。一早就做運動,好啊!夠健康!。 。咁早起身,口腫面腫身又腫。 。 。WELL,都行左成10分鐘先上到黎,哇........當日超好天,個天藍到,影左出黎成張POSTCARD咁。 。 。超低能,笑到我標晒眼水。 。行左入去參觀啦。 。 。呢座野既歷史我唔多講啦,大家上網找下啦!XD呢個係當時既廚房。 。 。好勁啊,可以一粒釘都無就可以建到咁大座野出黎。 。影到我巧肥啊呢張相。 。 。 。 。好啦,跟住我地又行埋去第二邊。 。又係樓梯啊。 。辛苦行左唔知幾多百級樓梯後,終於到了,一望出去,哇..............好靚啊個景咁岩當日個天又藍又無乜雲,超值啊。 。 。 。 。行完熊本城後,咁岩格離有座廟,見到廟緊係又拜下啦,行返個靚運先。 。 。我同老公一人比左100¥去玩抽攕。 。LUCKY,我抽到福錢啊,一睇就知好野啦!HAHAHAHA。 。老公仲勁,抽到招財貓,多D財多D財!YEAH。 。係熊本城玩左成粒幾鐘,好吧,出發去阿穌火山啦!大概1個半小時車程,朋友仔負責開車,我地負重訓覺同影相XD 。 。途經風景好美喔,我超鐘意呢D咁有鄉村風味既地方。 。 。開始見到山路,上山去啦。 。第一站將會先去白川水源,見到牌啦!。 。 。好吧,泊好車後,就要落車行,會先經過小小的森林。 。 。 。到左目的地啦!而我地點解要去白川水源搞乜東東?接落去就知啦!。 。買票入場前,記得係小店前買個膠水樽,有得揀size,但每人只可帶一樽。 。買票啦。 。好可愛的入場券。 。因為呢d水係100%純湧泉水,當然是超級冰涼的啦。 。這幾個手水舍是比遊客裝水用的。 。而且旁邊還有個浸腳的地方,可惜當日無開。 。好清涼又清澈。 。重點是,可以立即飲用的啦,好涼爽啊..............。 。大家一人裝一支泉水慢慢歎。 。睇下幾冰涼,支水即刻冰冰冰架。 。裝好水後,行前幾步會有個廟舍。 。 。d水清到,可以見到d水咁向上湧,就知d水幾咁健康。 。 。 。 。又拜下咁啦!拜下無懷既!。 。行返出黎會見到有間可以自製手巾的小店,。 。如果有小朋友,可以帶埋小朋友黎一齊整。 。 。出返出大路,會有到有間南阿穌村物產館:自然庵!無錯,又是買手信的地方喔。 。 。 。朋友去睇野,我就去食野!哇......100%牧場直送喎,唔食真係對自己唔住。 。 。我其實都唔知自己叫左乜,簡簡單單一杯野,原來係牛奶味yogurt,好味下面的是栗米麥片!。 。gogogo,上返車,又繼續我地既阿穌火山之旅,下一站食lunch啦。 。咁岩我地去搵食lunch的地方時,無啦啦比我地發現左個超大草園,又拿拿聲落車,衝啊...................。 。 。舒服到無朋友!周圍都無人架,想點影就點影。 。無啦啦比我地發現左個好地方。 。跟住行多幾步後,又比我地發現左群羊仔,佢地周圍係咁食草,完全唔怕人架,超多隻羊bb,巧打耳啊.............不過我諗應該係有人打理掛,我諗佢地知道幾時夠時候會自動返屋企。 。飲奶奶。 。識比手既羊見過咪?比草佢食,會自動比手架,可愛到暈。 。老公都忍唔住玩埋一份。 。 。呢隻仲搞笑,老公影緊相,無啦啦行埋老公度舔佢隻腳,乜好好味咩?。 。舒服到唔想走!即刻諗,如果屋企果3隻怪獸係度實開心死佢地。 。 。就地取材,直接拔地下d草餵佢地。 。呢張相如果我話我去左歐洲應該會有人信XDDD。 。好啦,再唔走直係玩到太陽落山架啦!!完全玩到唔發覺自己已經肚又餓啦!第三站:高森田樂保存會(午餐)哈,大家睇個名一次唔覺得係食野既地方,個腦係咪即刻諗起,係咪玩既地方黎架?。 。 。超古老的一間日式小店,我諗都已經唔知幾多年歷史了又要除鞋了,等埋我啊喂!。 。已經玩到第四日了,九州真係好舒服,因為食又小人,玩又小人,開頭我真係有D唔習,周圍都小人到咁!啊.......我好似仲未講其實呢間野係食乜喎!呢間小店主打係炭火串燒喔。 。 。全部都係已經上了年紀的婆婆公公打理的,好有親切感啊!呢間小店係連埋佢地住的地方是一齊的,都幾方便喔!所以我想講,呢間野既歷史一定有返咁上下。 。帶著笑容的婆婆,正幫我地用甜醬塗上豆腐上。 。登登!完成了!格一陣要反下佢!。 。完全是零冷氣的環境下享用我們的午餐,因為周圍都是樹木森林,會有點微微山風吹下吹下,所以好有原始風味啦,又靜又舒服,只係聽到食物發出的『滋滋』聲!一人會有4串野,魚、豆腐、芋頭、『舉約』。 。我係唔會咁自私收埋好野既XD,大家想試下呢度既風味,就上阿穌火山搵佢地啦。 。話咁快就上菜了,大家放心,菜牌是有中文字的!新鮮熱騰騰又脆的豆腐卜。 。個餐原來咁多野,早知叫一份同老公一齊分啦,又飯又湯,湯裡面仲有D餃子皮,未食串燒已經飽左大半了,D飯我只係食左3分1,真係超級唔好意思,我都唔想浪費佢地D心機,D飯其實係好好味架。 。超推介必吃的燒魚。 。慢。慢ENJOY下周圍D環境先 。跟公公婆婆道別後,食飽飽,繼續出發上火山。 。個天藍到,用電話影都咁靚。 。又黎啦喂,渣到無耐又發現新大陸,周圍都係大草原囉,好幸福啊D牛牛。 。大到唔知點講,個嘴O到得返個o隆。 。我地又講笑話,放呢幾張相去FB講話去左歐洲,應該會有人信...KAKAKAA。 。 。好吧,上返車後,唔知經過幾多10條隧道後。 。終於都到左第4站:阿穌火山裡面又係可以shopping的地方,座纜車睇火山也是經這裡的。 。地下全是火山灰。 超失望,因為火山非常活躍的關系,所以要關上了。 。 。其實都幾近個火山架啦,只係差一步就上到去,算啦,見到個火山噴煙好過無啦。 。較遠小小拍下的,好清楚見到火山噴緊煙。 。睇完火山,朋友仔話想去騎馬,好啦,又玩,不過一個都幾貴下,唯起大概$300-400百港紙,我地就揀騎45分鐘!時間都有揀既,有10分鐘、45分鐘、1個鐘,當然價錢都會不同啦!。 。如果是小朋友的話,可以同大人一齊騎一隻馬!d草原大到,以為自己去左內蒙古XD,左上角的是火山喔。 。可以任揀,想騎邊隻就邊隻!d馬隻隻都好肥囉...HAHAHA。 。全場最靚果隻,馬女黎架,身體超巨囉,但呢隻只可望,不可騎囉。 。哈,我揀既,要乖乖喔。 。出發,我同老公係清邁大象都騎過!騎馬?濕濕碎啦!我地會係個大草原度兜個大圈,我就係呢度曬黑左兩隻手囉,估唔到日本d太陽都咁毒!。 。我地比朋友笑,話我地倆公婆揀d馬性格都係一樣,要個人拖住先得。 。 。反兩我地另外兩個朋友仔d馬好乖,全程唔使人拖,會乖乖咁自己行。 。我隻馬行行下走去飲水,哈.........!咁就45分鐘架啦。 。去阿穌火山必吃的雪糕。 。騎完馬,行過小小會有個小山谷,行上去就可以影相留念啦。 。好啦,係火山足足玩左成日,回程時老公負責開車,我就負責大訓覺,到我開返隻眼已經到左熊本城了,差夠電又繼續shopping,然後去醫肚!我地其求搵左間餐廳食飯啦。 。 。無錯,入餐廳前,又要先除鞋喔。 。梅酒againagain。 。 。痴線架,碟刺身,條魚上到台仲識郁架。新鮮到。 。 。 。 。 。估唔到我亂咁叫,叫左煲煲仔魚飯,等左20分鐘,上台。 。唔好見佢簡簡單單咁,原來係咁好美架,d飯粒粒都有魚香味,剛好1人1碗。 。食飽飽搵反我隻鞋先,。 。因為當日掛住shopping,都無乜點影相,但我地去左呢間激安taxfreeshop血拼了,裡面乜都有得賣,基本上可以講是雜物店,男的女的食的著的用的都應有盡有,好誇張。