DAY 2 好吧,先說說我們今次行程先,係呢7日裡面,我地將會玩4個縣,路線:福岡>熊本>宮崎>大分>福岡今日已經係DAY2啦,準備由福岡出發去熊本LU..........而今日的行程將會是:太宰府購物>鳥栖outlet>博多地下街>釣船茶屋>熊本所以,今日我地一大清早就係福岡酒店CHECKOUT,準備去天神站取車啦! 粉紅色TAXI,哇.........請問有無紫色版的?哈 這裡地鐵路線圖已比東京的好看多了 等JR中 炸一聲,就到左天神站啦 取車的位置就在天神地下街出口附近,所以是非常易找的啦 順便一邊行一邊SHOPPING,呵呵點擊圖片放大 好長的地下街啊 見到GOVIDA,當然要潮聖下先啦,整杯限定版先 日本限定版,白巧克力伯爵茶味 TOKYO PORTER專門店,全是東京版喔........... 可惜我對這個牌子不大興趣,反而老公就好鐘意啦,因為平香港好多,而且好多款香港都無架!!! 因為時期非常緊迫,因為有時間限制去取車,如果過左時間就當我地取消唔要駕車架啦, 只要在出口一出直行5-10分鐘左右到了!有個TIP提提大家,上出口前,會有條長長的樓梯要行,是沒有電梯的喔!另外,我是從tocoo這個租車網book車的,因為網址有繁體字,所以真的非常方便啦! 租車網址:http://www2.tocoo.jp/cn YEAH,我們的7人車,好型仔 啊,呢6日靠晒你啦! 剛好車尾放到3個大旅行箱 出發喔!今次我地呢個旅程3個男人都懂渣車的,所以全部都要先整國際車牌啦! 還有,大家可放心的是,日本的GPS準確程度達9成,咁多日裡面,只係帶錯我地一次路咁多咋,都算係咁啦! 出發前,因我在租車網上租了etc card,而張etc card係用黎上高速時用, 因上高速時會有收費站,只要行去etc通道就不用先付錢,到我們回港,他們收返張卡後,才會再計算我們錢的,所以是非常方便的啦!另外,因為張卡會在東京寄出,所以,我和租車網的人會先在電郵上溝通過,他們回覆我說張卡會寄去機場郵局,到時在郵局取便可!但估唔到我地竟然就發生了小意外,去到郵局後,我show個e-mail比郵局d人睇,有我個英文全名,只要搵到我個名就會搵到份件,但他們找了找後,猛回覆我說:sorry,no,係咁打交叉手!我心諗,唔係嘛,而家先黎玩d咁既野,唯有用簡單翻譯app再試下啦,可能唔知邊度出問題架姐,佢地又再幫我搵多次,結果都係話無,我當場O晒嘴,心諗咁點算啊,明明租車網d人覆我話已經寄到去,但郵局d人話無件,點算好!當我騰晒雞果陣,好彩有另外一位郵局既人黎到,問我地咩事,好啦,又再講多次,點知......一搵就搵到我份件,太開心啦!咁究竟邊度出事呢,原來我個名同姓係份件度只是調轉左黎打,即是例如這樣:siu man chan(份件是這樣打的),我給他看的英文全名是chan siu man所以d人就變左唔識睇了,就覆我話無件,我真的汗顏了........ 搞掂晒之後,終於可以出發啦,gogogogogog 第一站:太宰府天滿宮其實我事前黎時,係完全唔知呢度係可以shopping,因為我睇書話,只知道呢度有間蛋糕店好出名,所以就即興黎呢度,點知.......一落車,哇...........原來呢度有好多野行架,yeah....有意外收獲,開心開心! 搵好停車場泊好車了 點擊圖片放大 我地去到時,咁岩當日有好多學生去呢度旅行啊 唔好講笑,原來咪食野架我地4個,喂........見有野食就好閃去買啦!我地就係圖中紅色舖位這裡買我地的第一口食物 買了兩舊這個牛肉+土豆炸成的小吃,好味到唔記得影相XDDD 再買了兩串小吃,唔理咁多,放入口先算 我地第一晚去到福岡時,已見周圍都好多梅技餅既東東,見呢間店有咁多人堆住係度,即閃去試下係咩料先! 制作中 登登,完成了熱騰騰的小吃!噢.........一整舊都是煙煙UNUN的,好似糯米池咁,甜甜地的! 對面的章魚燒,HELLO........ 流晒口水.............. 又食啦.............. 食完野又有D口渴添,好.....買支波子汽水先 哇...日本D人好幸福啊,周圍都有雪糕買,仲要有勁多款選擇,ER......不過我無奶油神咁早食雪糕架嘛,忍下口先..............XD 行行下,我見有檔傘賣,閃去8下先,因為我把傘咁岩已經爛Q左 哈,當我唔知點落手買邊把果陣,老闆娘無啦啦示範將D水噴去D傘度,等一陣後........姨.........好神奇啊,把傘會有櫻花圖案架,因為無水果陣係完全唔發覺會有櫻花圖案架,我唔買你都唔得啦,整把紫色先.....哈........ 忍者店..................點擊圖片放大 好多古怪野睇 福袋喔 行完一條街又行去另一條街,原來好鬼長架 細菌小子...HAHAHAHA 好可愛的m&m點擊圖片放大 WWOO........無可能唔入嘛! 點擊圖片放大 +2 哈,又係雪糕 終於找到了原先我話想去買的蛋糕店啦 職員已經好識DO,全部打開蓋比我地慢慢試,共有5種口味 係時候大掃貨啦喂 包裝靚到都唔似蛋糕囉 哈,無啦啦比我發現了飲品機有支只得100ML既迷你版可樂,真係兩淡就無晒....XD岩晒 去完太宰府,準備去第二站鳥栖outlet 第二站:鳥栖outlet 望下有咩牌子先...... 其實入面話大唔大,所以可以好快就行完,但入面真係行得超舒服,真係好小人 賣狗仔的物品,緊係要行啦,不過無收獲點擊圖片放大 +2 老公係Levi's買左2條短褲,只我就係beams買左個民族袋,就係咁多喇! 大家血拼完,去等車場搵返我地駕車先,而呢度停車場係唔使比錢的!好搞笑啊隻狗,成隻公仔咁!! 準備向第3站出發啦,係車上我一有時間就訓訓訓 第三站:我地去了博多站,因為朋友仔去話想電業城買野 而我絕對係無興趣睇電子野既,所以分頭先事,我同老公就去了博多站地下街''濕平'',ha....必行藥房la,同埋又買左勁多對襪! 第四站:釣船茶屋行到已經完全忘記晒要食飯,哈............... 係出面望,真係唔多覺係食野地方!而我地駕車就泊左係對面大廈的停車場! 哇.......好大條墨魚 痴線,已經晚上8點幾,點解可以咁靜,得2-3台客?不過我鏡意,靜靜地,耳根可以清靜下,又或者可能我地去果日係平日的關系吧! 上船前,要先除鞋,我好後悔著左對要係咁要扣帶既鞋喔!唔係,應該話,成個福岡裡面,好多餐廳基本上都要先除鞋才可以入店的啦,不過又好舒服喔! 喪影..................... 船的兩邊都有魚的啦,但點解全部都係鯛魚黎既? 船尾 大家開始拎魚具釣魚囉,因為釣唔到魚上岸,係無得食魚架! 幾時上釣啊,又話好易既,so都唔so下喎,已經好肚餓啦 今晚餐飯靠你地啦 hahahah........yeah,終於釣到啦, 活墨魚刺身,即叫返份啦 哇哇哇,終於有野食啦!!! 前菜,凍豆腐 冷麵,我覺得味道一般! 活墨魚刺身黎啦,有分size叫既,我地好似叫左條中size,仲可以一味兩食 第二食就係墨魚天婦蘿,好味到大家唔出聲係咁食食食 點擊圖片放大 剛剛釣上岸的鯛魚刺身黎啦,好新鮮喔!!又係可以兩食的! 第二食就係鯛魚粥,哇......呢個粥大家食完都番尋味,因為真係好鮮甜啊............... 好啦,食飽飽之後,就靠朋友由福岡飛去車熊本啦....我講得無誇張,真係用飛車速度!好似渣了2個半小時咁上下啦....... 好囉好囉,成夜晚12點幾去到熊本酒店啦!!! 已經好累了,要快沖涼先得! 酒店好細心啊,房裡會有差電線比客人用 哇,仲有部空氣清新機定唔知放濕機,正!