day6 第一站:獅子園 已經入左去喇........ 廁所............個名都幾貼切播!襯返個主題 好可愛既''丁滿''喔......大家有睇過彭彭呢套卡通片就會知道我講乜喇........ 襯還未開始,入去草屋裡面望下有乜野買先.........(女人的反應通常是這樣...) 入面都應有盡有架... 再周圍拍拍....... Wwooooo,終於上車啦......好正呀呢架鐵籠車 因為一團人唔夠座,所以要分開兩架車,我地影對面,對面影返我地, 我地同呢班人全程都玩得幾開心架,因同佢地應該都差不多年紀吧! 出發囉...gogogog 又近距離見到豹呀.... 2皇1后嘛??? 嘩........仲見到白獅子呀......不過隻獅子唔郁既!!!好懶喔.......... 佢都費事彩我地........... 如果我手上有塊肉就好喇......... 玩野,呢個鐵籠車之旅唔使15分鐘就玩完!!! 當然仲咪走啦,繼續再玩呀.......睇下我手上呢一包野就知道什麼事吧........ 就係餵長頸鹿呀......真係第一次餵,佢地係完全唔怕人既!!食得超溫柔! 因為呢包草粒野實在太大包,我地仲share左比大家一齊餵添........... 好傻呀個樣....... 男人都忍唔住要餵埋一份 拿,班團友真係超級好人,可能佢地餵過,所以無乜興趣, 竟然超好心咁話幫我地影相,仲要係喪影,仲幫我地影左超多合照呀......YEAH p.s(我終於模到隻長頸鹿喇 ) 其實有3隻長頸鹿架,呢隻就最溫柔,另外果隻勁核突,會成食埋你隻手入口, 因我見到個團友事後成手口水呀.........d口水係一條條咁''懶''出黎...嘩...核突到呢.... 另外一隻就係bb黎,可能已經比人餵飽左.......完全唔理我地,愈叫愈走....喂...咪走呀........ 比下面好喎!!! 你隻野呀....竟然咬條鐵線都唔咬我地d草!!! 終於到左最開心既時刻,就係同獅子bb影相呀! 無錯,呢一堆bb係任影任模架..........但有好多隻已經訓晒覺!! 見到嘛,仲有好幾隻白獅子bb呢!! 可愛到呢.........好bb喔真係!!!呢刻男人真係偉大,放棄自已摸獅子bb都要同我影相! 嘩.....呢張不得了!!好''o木''呀個樣!!我黎就要抱走你返香港架喇!! 好啦,因為有限時間架,等我都幫男人快影返幾張喇!! 好心團友又黎幫我地影喇!!唉喲,我都唔巧意思喇!!影一張得喇,要渣緊時間呀 yeah,終於搵到隻咪訓覺架!!!等我地黎個超級速成班加深我地既感情先!! 我隻手係咪好好咬呢 !!不過唔痛架,佢咬得好詩文架!! 超鐘意呢張相,男人影得非常好... 唉呀....比男人影到我個肉緊樣添!! 隻b開始用埋佢隻手板仔同我玩添呀!!不過我真係完全唔怕佢會出瓜,因為要互相信任架嘛! 可愛程度,爆晒燈呀........ 我真係第一次摸獅子bb架咋!! 呢隻我就真係唔夠擔摸第二次,可能比人摸得多,開始發脾氣, 我已經係佢後面摸架喇,但一模即刻向後反博,嚇屎我!! 都係摸返d訓左覺架先!!! 我1秒都唔浪費架!! 點擊圖片放大 第二站:午餐百獸宴呢餐飯不得了喔,我地食左平時跟本無可能會食到既肉類.... 已經行包尾喇,快影......... 入到餐廳,好香燒肉味喔...不過即刻feel到勁熱....... d肉全部都係用炭燒架............ 乖乖座好先.........檯上已經有一盤汁同配料比大家選擇! 已經擺好了的餐具!超鐘意隻斑馬紋碟呀 死火,完全唔記得係乜湯,但口感好似忌廉湯!都唔錯的,飲晒架我! 待應已經遞上已經燒熱了的鐵板! 南非國旗 這個人是賣什麼呢??嘩...完全失憶! 又是沙律,每4人一碟!我都好比面食左D架~~~ 自已另外再比錢買既Fruit Punch,味道不錯,會飲到生果既粒粒架.... 嗱,我遠望以為係白飯黎架....點知...... 點知唔係白飯黎架囉.....我原本乜都無加落去,試下係乜味,見佢係一舊白色既東東, 食落口原來係完全無味架, 後來先知要加D茄汁上去食會好味好多! 終於開始食喇,,,,,,,,,,, 第一味...雞腿......超正,好嫩滑!! 第二味...羊羚加牛肉! ...都唔差的,因為粒肉球整到好多肉汁,所以都比合格! 好似係雞肝!!!!好香架,但我只係食左小小,因為我食唔慣果d粉粉地既feel既食物! 豬仔骨..... 好似係羊肉加豬肉整成既肉腸....... 鱷魚肉!哈...估唔到又好味喎,係泰國我都食過,我印象中係麻麻地架姐,係原來燒既鱷魚肉係咁好味架.... 死火!係牛肉嘛?? .....定係斑馬肉呢?是但啦,都食左落肚! 因為中途有d唔記得影相,太多肉喇!! heeheee 仲有飯後甜品... 好味呀...因為太熱喇果度!! D師奶仲未食完,我地已經閃返出去影相!! 點擊圖片放大 +2 第三站;博物館唔使介紹佢係邊個吧?咪就係曼德拉喇~~~ 選擇白人,還是非白人進入呢?就係你係白人定唔係白人都好,其實兩邊都入得既.... 咁多相,呢張相顯得我個頭最紫!明明人地特登去染紫色,仲漂埋添,點解張張相出黎既效果係紅色架呢?R頭~~ 點擊圖片放大 大家兒時有玩過嘛??老公就有,我就無喇! 點擊圖片放大 +3 第四站:黃金礦場 個礦場其實係D樂園入面既....尾未我仲發現左個新現象, 南非D孔雀真係周街都有架,樂圍入面已經有好幾隻,仲又見到佢地開平添, d南非人已經見怪不怪,跟本當佢地係透明既,但我地就追住d孔雀係咁影! 好笑地,竟比我見到地下有隻雞,真係雞黎架,可能品種唔同啦,我又唔覺得在乜特別喎, 但D南非人竟然走去幫隻雞影相... funny....... 準備落去喇......... 先帶上安全帽先!! 準備落去喇,好緊張呀,仲每4人派一支大電筒!我無記錯架''車立''係每秒可以落到20米架,唔使幾秒後架''車立''全黑晒,大家都開晒電筒, 跟住仲feel到 d水係咁滴落黎,好有冒險feel呀~~ 一落到去即刻feel到都幾涼爽架喎..... 老公呀行快d啦,我地無電筒架!!! 全程都係夠電筒照住架,裡面係無其他燈架!!! 周圍都黑蚊蚊,都唔知自已影緊乜,又要跟住大家行喎!!! 我問老公,你呢張相其實係咪影緊人地隻手?? ! 老公話:我其實都唔知影緊乜喎!! 我:.................. 呢張相好有靈異feel呀~~!張相白色邊邊模左果度呢! 出返去喇!唔好講笑,呢個機動遊戲超正,我望左成10分鐘,好激架!!個機動遊戲先慢慢咁向上行,上到有英文字母果度後,等1分鐘左右,個動機遊戲會極速咁塊面朝向地直衝落地下,嘩...激呀... 因為我同老公睇得太投入,唔記得影人地玩緊既相 真金薄!好似要200蚊樽!當然無買啦........