DAY 3:神山一天遊 我地都預左,JOIN得 local tour就一定會同其他人同車架喇, 我地3個座最後,前面仲有6位上海媽媽,哈....一早車裡就已經好熱鬧喔.... 我地一邊上山同時又一邊行下、影下相,所以係咁不停上車同落車, 神山第一站:冰凍椰子布甸 真係第一次食,哈....都OK啦,叫做見識下,我接受既........... 好彩我自問腸胃好,佢兩個大少都無乜點食,我一個KO左6-7成咁多囉...... 好冰凍啊................好香椰子味!多謝$4RM一個 第二站:菜市場 上海大媽們就繼續行街市,我地見到條木橋幾靚就走去影相! 老公笑話,係咪呢條就係吊橋啊? 我話:你痴線啦,條吊橋係樹上面架 第3站:水果市場 水果種類就真係唔多喇!!但奇奇怪怪既水果都見到既................. 唔知咩既品種, 果兩舊大家唔好誤以為係大樹菠蘿,其實唔係黎架!!! 痴線架,炸樹葉都有!XDD 打一打,好運就會來來來.................... 我當然唔執輸,整返包話梅粉菠蘿上車食先!! 第四站:皇宮 哇,一落車好舒服啊,山上面好涼爽喔................ 原本係諗住入去既,但大家都覺得收費太貴,成$10RM一個, 所以係門口影張相就算................跟住又上返車繼續我地既行程XDD~~ 途中拍下的路邊菜市場 話埋比大家知,基本上JOIN當地local tour都係座類似呢種車架喇, 大家有心理準備喔! 第5站:LUNCH 費用已包埋的!!那當然又要同那6位大媽一起吃喔!! 估佢地唔到原來佢地咁好傾,其實都係佢地話我地知,前一日沙巴島上又出事, 詳情大家睇新聞應該都會知的吧,我唔係呢度多說了! 所以我地就在這裡開始談起來了,她們又會讓我們先吃,又會讓我先幫食物影相! 老公啊,我影緊相架,阻住曬........................ 第6站:神山溫泉 我其實都唔會浸全身,諗住浸下腳就算!! 痴鬼線,成30幾度點浸溫泉啊,=.=我接受唔到囉........... 不過裡面有個泳池,可以去游下水既 開始行入去囉,好清新既空氣喔.................. 碌油樹!考考大家眼力囉.............. 這裡就是浸腳區! 不過其實係有家庭房既,BUT我真係完全無興趣!! 我連浸腳都只係浸左10秒就頂唔順,就閃左去買雪糕座係度睇佢地浸~XD 不過我最後發現左個超正位,就係座係d樹下面d石頭度,仲清涼啊! 這裡就是泳池區!唯讀呢度我好想換衫跳落去! 不過其實係上左吊橋先,最後先落返黎浸溫泉啊! 第7站:吊橋 大紅花正是他們國家的國花! 哈,我見地下有朵靚靚地,執起影張先,XD 上吊橋時大家必買的券,就係相機券,一部相機影相收$5RM,所以如果用兩部相機影, 就要比兩部相機錢,即係$10RM! 就是這張相機券了 開始上吊橋囉..........! 吊橋每次只能行6個人! 大佬,好搖啊,其實我已經驚到腳都軟埋....XDDD 這橋分3段,中間果條最長!!救命呀................. 係中轉站休息下回下氣先!! 唔好見我笑得咁開心,其實我個心已經驚到卜卜跳...................... 其實行吊橋時間係好快,10分鐘啦!! 嚇餐死後,就落山去浸溫泉喔................ 第8站:神山 終於都叫做踏足過神山咁啦!行上去就真係無本事啦!! 好彩我載左條頸巾姐,上到山原來好凍架............. 神山路線圖 仲去左睇標本!! 係神山玩足一日,用左2小時左右終於落返山囉!! 成身由頭出汗濕到落腳,好想快D返酒店沖涼啊! 第8站:佑記肉骨茶 其實我真係第一次食肉骨茶,終於知道究竟係乜味啦! 餐牌上的,基本上都全叫了!!! 不錯的功夫茶,細細杯的!! 將食物放滿檯了.......... 豬腰,我最愛,因為夠爽,正!! 仲有超吸汁的豆卜,我KO晒咁滯...XDD 肉丸!OK啦!都爽口既!不過我覺得香港好味D姐! 豬肚!正,夠淋,又唔會癡牙!! 第9站:甜品宵 喇,就係我地上完神山後,跟車果位華人導遊,其實一路都已經同我地塔傘架喇! 又話佢細佬係加雅街有檔榴蓮檔,叫我地食完晚餐去睇下佢細佬D榴蓮, 仲話揀個最靚既比我地,好啦,我地食完飯,就順便睇下你細佬D榴蓮有幾好, 頂啊,貴到死,好彩之前已經係街邊食左個,唔係真係比你搵笨, 算啦,跟住佢就開始又同我地塔傘,又問我地聽日去邊,我話去美人魚島, 佢跟住又話唔好,個沙灘已經唔同晒,就介紹佢講果個沙灘,佢都有比相我地睇, 咁我睇完真係有d動搖既,算啦算啦,去你講果個就果個啦,我信你......... 跟住join左佢個沙灘後,就話帶我地去食糖水,又座佢車周圍去, 果刻真係好fd袈,乜話題都有,有講有笑, 佢仲好人到帶埋我地去佢屋企睇夜景, 喇,比著大家係咪完全無戒心先............. 個華人叫既甜品,佢一粒聲都無話畀返自己果份錢喎,側側博要我地比埋, 我算,都係$10RM咁上下姐,但多謝都無講句,呢下我幾火滾, 好似老憑我一定要請你食咁!!作為女人既心態,我不停咁安慰自己, 呢份甜品錢我當係你今晚D車油錢,我毫一餐比你又點話!! 可能有D人會話,咁係你地白痴姐,唔問佢囉返錢!? 拿,講真,出得黎玩,男人實會豪氣D架LA,果幾十蚊點會同你計較啊..... 朋友仔叫的 我的!味道不過不失啦! 佢仲帶埋我地去沙巴比較當地既夜市睇下! 麗都廣場!! 座位空間感都好大,左右邊全是一檔檔的美食!大概都有20幾間選擇架........... 最後,佢仲車埋我地去全沙巴唯一一條既隧道,得6秒架姐! 佢仲1-6秒咁數住黎渣,哈......又真係得6秒咁短咋波!搞笑...............