DAY2嘻,今日都可以叫做可以訓遲小小起身,而我就賴床到9點半, 而老公同他的朋友就9點鐘落左去食酒店免費供應的早餐, 哈....而這6日,一起床,就見到大門地下會有份免費報紙看....... 其實都幾細心既,可惜我地邊有時間睇啊........ 我地每日起身一打開窗簾,就會見到藍天白雲,人都醒神D~~ 而我,就係酒店房慢慢整理好自己,再詩詩然然咁落樓食早餐都未遲, 而食早餐既餐廳旁有間GYM房,我BOOK酒店時已知酒店有得免費做GYM,當然唔執輸,玩返半個鐘先! 玩完GYM,再休息一陣,先食我既早餐!! 無錯,間酒店就係得呢幾味岩我胃口, 我地只係食左2日早餐咁多啦....因為真係無乜選擇! 老公又怕太油,佢淨係食左半碗白粥,加我半隻荷包蛋......... 上回講到,我地連續6日都係座酒店VAN出去,就係呢駕喇! 基本上每次都係得我地3個包車出,XDD, 因為我地即將出去做SPA,上網搵過下都係CENTRE POINT附近, 所以,以免浪費太多時間搵,我地索性叫私機直接車我地去到做SPA既門口~~爽皮 第一站:做spa開頭我唔係搵呢間做SPA架,後尾我又屎忽痕,見係酒店無野做,又上網再搵過 搵搵下,又見呢間幾好,所以我地連續兩次都幫襯佢地,因為收費合理,圍起都係$30-$50RM咁上下,都做成個幾鐘架,D服務員又好笑容,又會同你傾下計,低我地幫襯兩次啦!!HELEN BEAUTY REFLEX 咁岩第一日幫襯就遇上了華人老闆娘,識講中文好得多...HAHAHAHA仲有得揀男職員定女職員幫你做,我緊係要女啦,仲使講!而我都揀左個男既比老公...KAKAKA 我就揀左做身體磨砂同FACIAL,老公同朋友做按腳同背,大家要夾好時間,就開始啦點擊圖片放大 +2 第二站:食lunch幫自己扮完靚靚,老公佢地鬆晒腳RELEX完,已經中午喇,走去附近醫下肚仔先...... 無睇書,無搵過資料,就憑我直覺入左間茶室醫肚!『成興茶餐室』 又係華人開既餐廳,中文同普遍話都能說的老闆娘! 朋友仔叫米粉 一人一杯凍飲解渴...............就黎熱死啦 我地叫既''黃酒蝦麵'',唔好講笑,好味到嘩嘩聲........係第二度跟本食唔到呢種味,好香好香酒味,D湯甜甜的又帶出酒味,原本同老公一人一半既,因為老公仲咪有胃口住,我KO左8成咁多....XD...D蝦仲多到好似唔使錢咁,正呀 第3站:finishing跟住就行返出去海旁,準備出海釣魚! 大家好奇咁問,咁你地點聯絡呢?哈.......佢地好興玩WECHAT,我地就係用WECHAT溝通大家去沙巴前,緊記DOWNLOAD定先啦~~出去海旁唔使怕迷路,遠處見到呢條魚,就向住條魚既方向行就OK了價錢方面,total3個大人,一共$270RM,釣2小時,我地係咁殺價,價錢都算合理la 估唔到我地包船啊! 已經跳左落船了...........YEAH!!!!點擊圖片放大 +2 先去魚市埸拎釣魚魚餌,原來係用八爪魚釣@@~~ 跟住又去埋佢地屋企拎魚排!!估唔到佢地就住呢種高腳屋........D小朋友好天真好可愛,我地一埋船,係咁同我地SAY HI,又問我地HOW ARE YOU~又望鏡頭整V字,老公話,呢幾張相簡直可以囉獎咁話點擊圖片放大 +2 其實如果我叫我訓返晚應該不是問題吧...HAHAHAHA 好彩當日唔大浪姐!!!呼.................. 我想見既日落開始啦...........很美呀........... 我地不停咁餵魚,唔係釣魚!係咁比D魚食晒D魚餌,都無乜魚上釣........我懷疑D勾太大個囉............ 大家會問,姨....唔見你地魚獲既? 激死,我地5條友,釣左2粒鐘只得6-7條半個手掌大既石斑仔,轉左3個地點都無乜魚......同我想象既完全兩回事囉......... 夕陽無限好...好好好.......只是近黃昏....YEAHYEAHYEAH......最後仲同我地追住個日落,比我地影相添呀...... 2個鐘....炸一聲就玩完LU...................已上岸啦 第4站:菲律賓市場philippines market因為我地係菲律賓市場philippines market上岸,所以索性係呢度食埋晚餐!! 上回都講過啦,呢度有好多檔選擇,有飲品檔啦、有炒面檔啦、最多係海鮮檔,不過入面真係好多煙,所以我地揀左個通風位,座最出面向住海,,跟住,一人一隻虎蝦,麻麻地姐,可以唔食,D肉唔爽既,得個大字,失望! 再叫多隻花蟹黎炒,超大隻喔..............隻花蟹好味,唔錯! 條石斑最低食,咁大條都係$20幾蚊RM姐,低到爛,食法當然係蒸啦! 跟住就發生左件超搞笑事件!我地去左檔飲品檔,因為佢個位係最出,又向海,所以都幾涼,最緊要係無乜煙!咁我地就問可唔可以叫其他檔D野食,老闆話係得既,但係要幫襯佢買飲品先OK啦,咁是但啦,還掂都要叫野飲架啦,不過我地都怕佢D飲品唔多乾淨,所以我就叫左杯西瓜汁老公當時行開左,佢事前就同我講話要水就得喇,跟住我就同個老闆娘講:water please~老闆娘就用咩咩地既音話:『水啊』?我心諗:『姨,識講中文既』? 我就答:係呀,水啊!跟住我又行開埋,去搵老公佢地,睇下佢地再叫乜野食!點知,我地一返黎,水就見唔到喇,淨係見到杯『soya sauce』係檯面,跟住笑到我漂晒眼水,原來老闆娘指係『soya』sauce,而唔係『水呀』囉...超低能啊 我地條蒸石斑,已經變左咁喇!正.............. 總之唔要bbq燒蝦啦!比人搵笨添!! 碟酸甜炒蟹最好味!!! 跟住仲搵到我地最愛既榴蓮食,喇.....我想講,沙巴就無貓山王架,大家咪上檔喇!係當地既人話我知地,沙巴只得菲律賓榴蓮,如果要搵貓山王食,只得吉隆波有架姐!不過我唔理佢乜種都好啦,o拍返個先啦,細細個咁,size勁岩我食,d肉細細粒,點擊圖片放大 因為酒店唔比帶上房既關系,我地3條某理係酒店門口張椅度o拍,好好味啊........... 啊.........忘記了.........菲律賓市場附近都有個小夜市行,不過全部都係賣日用品同衫,我地求其兜左個轉買小小手信就返歸lu............ 哈,我地當然係菲律賓市場philippines market買埋宵夜返酒店食啦!!呢條唔知乜魚仲貴過條石斑@@~~~ 我落order話要食既炒面!!