由香港機埸去沙巴,都係3個小時就到,仲係直飛既,呢點大家可放心...........哈.........炸一聲就到左沙巴亞庇kota kinabalu機場了............下圖是已經出了境後拍下的 Wwoooooo....甜甜圈呀..... 到達機埸後,先換小小錢座的士去酒店!喇,大家唔好一野就係機埸換曬d錢呀,唔係虧到你入肉呀,去邊度換錢先多?拉落小小話你知...^0^ 跟住就順便買埋張電話卡,淨係for上網為主,可以用到7日,好似可以打埋電話,詳情唔記得喇,因為老公佢地搞既........價錢係28蚊馬幣,有張電話卡旁身,去到邊都可以上網囉, 我地3條友,當然買一張就夠,用一部電話發放wifi就乜都得啦..... 因為太好生意,搞左好鬼耐先到我地,............ 跟住就行過小小買埋的士飛,座的士去到酒店!要快就係座的士,我唔想再浪漫太多時間去搵點樣座巴士又唔知點行先到到酒店囉.......... $25RM直到酒店門口......... 好熱情既的士私機............... 途經酒店時見到拍下的!那一殺,我真的超想落車,影返幾張相袈........... 第一站:check in到了酒店啦,先check in~~ 哈,酒店是我選擇的,因為係新建無耐的關系,所以周圍都好新淨! 嘻嘻嘻嘻,我book酒店時,落左order話我地係黎honey moon~所以,一入房後,就見到床上已鋪了心形鮮花!其實我都係博下既心態袈咋,點知得左, 哈哈哈..........影多兩張先!我上次去峇里都有咁樣落過order,都行得通袈^0^V 我好滿意啊........間房又夠大....又新,張床仲要係king size~正! 到夜晚時,再補多張床頭相先........XD 電視機都夠大部,不過估佢唔到夜晚播華仔d戲,當然已是n年前的啦! 我最最最緊張就係個沖涼房!!嗯.....滿意滿意.........個花灑位仲好得意添架,大家見唔見到沖涼室頭頂正方形個位,喇......果度正是花灑位喇,所以沖涼時真的超爽,d水勁多.........XD 我第一次見,酒店房入面會有熨斗,唔比個LIKE你都唔得啦~~~~ 嘻,入房無耐後,酒店職員送左個生果盆比我地!o華.....即食啦下話!!叫埋個FD過黎食啦當然!! 全部KO了.............. 第二站:CENTRE POINT下一站,去CENTRE POINT換錢~無錯,就係一定要去呢度換,因為就最高的! 衰就衰在,我地間酒店每一次出去市中心都要座酒店VAN,唔係下下CALL的,都幾係野,但佢地既酒店VAN唔係話上就上,係有時間表的!我地既做法就係,每次出去就座酒店VAN,返黎就CALL的,CALL的都要$15-$20馬幣袈! 因為跟本無可能行到出市中心,熱都熱死,座車出去都要8-10分鐘,行既話20-30分鐘啦,人都溶啊......... 其實個商場都幾舊下,同埋係無乜野行!!最最最衰就係去廁所,沙巴好多公廁都要收錢,印象記得就0.2-0.3RM毫一次,我自己係一個極極極小去廁所既人黎,唔係急到啊媽都唔認得我都唔會去痾既,因為有次我想去''大'',諗住收得錢應該都乾淨掛,嘩.....D廁所差到不得了,好多水積,周圍又DIRTY~哇......我一入到去,已經完全無晒去痾大既意欲, 是但啦,吧吧聲痾個尿算,我咪試過去完廁所未洗手就衡返出去,跟住下次我醒水喇,去搵KFC啊,麥記廁所去.......因為係乾淨好多!! 成個商場就係得咁多層數喇 跟住唔記得係邊再行落多一層,就去左呢個較舊式既商場,我地就係去呢度換錢!呢度好多格仔餅同牛油栗米同賣,超香的啦.............我地後未先知,我地應該黎呢度買電話卡,一時心急左添,因為呢度係好多電話鋪的! 係裡面左兜右兜,就呢左呢間換,換得係最高的啦........ 看見SHKD嘛,就係港幣換率了.... 第三站:加雅街搞掂D錢後,行去加雅街醫下肚,周圍行下,JOIN 埋local tour... 由CENTRE POINT行去加雅街其實好快,大概10分鐘啦,我指識行既話呀下....XDDDD 去到加雅街後已經累累地,又餓餓地,我當時只記得係我有個fd去完沙巴後叫我一定要食咖椰KAYA所以我就是鬼但咁搵到間有得食kaya既鋪喇!叫『馮業』 大家可放心,餐牌係有中文字比大家睇既! 喇,沙巴8-9成既餐廳係無冷氣開放.....所以,我地呢6日旅程裡面,食親野都一定要叫杯凍飲!!! 黎杯凍飲爽下先 叫左3味kaya......有榴蓮味,花生獎味、沙糖,因為要多士關系,所以係貴小小既 裡面是這樣的!!哈,好友介紹的不錯! 仲叫左個炸榴蓮,好好味啊...............係榴蓮痴的你,必吃,無介紹錯,因為係新鮮即炸出黎XDDD 因為等2日行程係出海釣魚,所以要吧吧聲搵local tour,跟住我就以我個人分析,出得海釣魚,所以就行去海邊博下有無得JOIN啦,哈.......我地誤打誤撞下,咁就比我地JOIN到,佢只係魚檔賣緊野既識員黎,我就問邊度有得JOIN,跟住佢就話佢個朋友有,佢地係100%當地馬拉人!就叫我地座低傾,當然啦.....其實佢地係無牌的,有好處有懷處,好處就係可以喪禁佢價,懷處係可能有機會比佢呃左D按金!跟住見佢幾易話為,我地仲JOIN埋佢打後果幾日既行程添,呼............一身輕............. 老公做緊大事,我無聊周圍拍!我原先好想飲袈,但係經過上次去峇里飲過怕怕後,我又記得同呢個樣差不多,又係大大個既,所以決定放棄! 搞好晒D行程後,開始周圍行!去沙巴必吃的雞亦,$1.5RM一隻!超好味!你地唔使怕無得食,沙巴周街都有!! 近影下先! 好味之處一黎係炭燒,2黎D汁夠辣,3黎D雞肉好滑,無食過唔好同人講話你去過沙巴啊 天開始變黑了...............D天氣靚到,是鬼但影都已經好正 我的雞亦!!好好味,但好味完要付出代價,而我既代價係,食完後,等2日喉嚨開始想痛,因為已經feel到乾乾地又痕痕地咁! 哈............我行行下時,我係對面馬路見到個黃昏超級靚,跟住即叫老公過對面影相,無斑馬線都無有怕,因為當地駕車人駛係絕對會先讓人行,然後才慢慢開走他的車,同香港簡直兩馬事,但影呢幾張黃昏代價大囉!!!要先經過一個極臭既魚市埸,跟住老公同朋友仔對拖鞋入晒D魚屎水....XDDDD但出黎效果咁靚,諗返起都係值的!! 我講明先啊,D相100%無執過,原汁原味袈點擊圖片放大 +2 走時,見到好大隻米老屎出現啊............老公快走呀仲影......................... 跟住就原住條街一直行,就行到黎呢度,呢度有好多乾貨買袈!!最後笑到我死,最終佢地兩個踢拖頂唔順D魚屎水,走去用$1買支水洗腳, 第四站:philippines market又行行行,行到呢個菲律賓市場philippines market,喇,呢度係食海鮮既地方, 超過20-30個檔口, 叫完D海鮮可以座定定食...............好大排檔風味 乜海鮮都有..............即叫即煮點擊圖片放大 +2 我地顛到行埋入街市見識下.................點擊圖片放大 +3 哈,兜兜轉轉,我地最終又行返去CENTRE POINT搵食,果兩位大爺話真係熱得滯,無乜胃口住,所以都係去商場食算!!算啦,第一日黎到未適應係正常既..........我地就落左商場最下層搵食,食左餐印尼野!! 唔知乜魚............辣的 炒飯!麻麻! 叫做OK過得去既湯面!仲要係唯一種湯面!! 反而佢地個薄餅好好味!! 有埋D汁,因為食唔晒,所以打包返酒店食,佢地就幫我地整多包咖哩汁帶走,返到酒店我地3個唔使3秒全部KO晒...XDD 仲買左個西瓜返酒店o拍!! 我地最後係CENTRE POINT最下果層有個大形超市,喪掃左好多杯面同零食、飲品,返酒店見餓,可以即整返個食嘛!wakakkaaa~~~