話咁快,今日day 6就要返香港啦我地座晚夜6點幾機,哈...可以早小小起身,玩多大半日先走!!唉,真係好唔捨得呢度,好唔捨得個私機!!我未試過玩到唔捨得走!!嘻,綁返似馬尾去食早餐先............. 眼都未開,就要影相!! 呢間酒店既早餐,其實係有送上房既服務!!!!good喔~~ 不過我地以免悶親單身朋友,要佢自已一個係房食,好似好陰公咁,我地倆公婆出黎食陪下你啦!!哈哈 簡單早餐!!我最鐘意食呢d早餐!一定岩胃口先~~~ 係別墅前影返個留念下喔 嘻,究竟我做緊乜呢?其實,我地前晚已經叫酒店幫book定今朝係房做spa,嘻,所以我咪換緊衫囉,件披肩係服務員比我架,好細心呢,仲有d香薰味架!!!! 爽呀!!未試過係房入面做spa!!!做足1小時架~ 我地其實係酒店塊牆上見到佢貼住有得做spa,其實係無寫價錢,佢話幾多就幾多!我地做左個relaxing既spa!我見價錢唔係算貴,是但喇.........300000一個姐都係,哈! 喇,呢個就係跟足我地6日既好好人私機喇!!其實我地真係好好彩,係住第一晚酒店既大堂遇到佢,因為佢個檔口就擺係酒店裡。佢真係好老實架,又唔話得,又好笑容,呢6日我地都好放心將咁多成程交比佢處理,我地想去邊都會帶我地去,又會帶我地去其他地方玩,又會比d建議咁!!基本上,我地去到邊,想落車就落,從來唔會吹我地快d,咁多日我都未見佢過黑我地面,好笑容到爆,喇.......呢d先係服務架嘛!!我仲親眼見住個私機將d紙摺到好細張咁比個交通警,(當然係果d唔見得光果d錢啦),我都呆左,心諗,原來峇里島d交通警真係會收錢架@@佢事後就無同我地講過呢件事,可能驚嚇親我地掛!大家黎峇里島,最好搵個人肉私機帶大家周圍玩,講堅架,因為咁樣玩真係方便得多,又慳返好多時間,就連交通警呢d麻煩野,佢都會幫大家解決埋,如果自已黎,一定玩到成頭煙都似~因為係佢地先當地人先最清楚佢地d路線,多車唔係問題,而係d路牌好唔明顯,好難睇架,又多小路,我老公係香港成日渣開車,都渣唔慣峇里d路,峇里島d人超團結,我地換酒店時,唔知d行李點樣放上車,已經有好4-5個男人一齊黎搞,大家一齊諗點樣放!嘩.........真係服務周到!所以,呢個地方真係好值得黎多次.............. 做完spa,食埋早餐,跟住我地出發啦,我都唔記得左點解會黎呢度呢?哈........應該係食lunch既地方吧!!不過,大家可能未餓,所以兜左個圈就閃lu 無錯,峇里島係好多電單車架,好細個既小朋友已經渣緊,細到我諗得11-12歲,佢地係靠渣電單車返學既...........我地笑話,係香港11-12歲既我地,只係踩緊單車咋XD~~呢度d小朋友已經渣緊電單車啦............hahahaha 我地每日係街都會見到呢d用黎拜神既兜,因為峇里島d人拜神係好神心架!! 因為我地未黎過kuta大街行,所以決定黎呢邊行返個圈食個lunch!仲係roxy大割血!!男人買左對人字拖,我買左件衫!總之人人有收獲!hahaha 因為真係太熱喇!!我地比呢間餐廳d霧吸引左入去!! 一入到去知先,原來係亞州人開既!唔怪得啦.................點擊圖片放大 衰人呀,想唔分比我 ~........... 我地行下行下,行左去kuta海灘!!!嘩.........我地無黎到游水真係超可惜呀..........好大,好靚呀真係............仲要咁岩個天黃黃橙橙咁點擊圖片放大 +4 沙就唔算話好幼,不過真係好大就真既............. 我又比d燒玉米吸引左喇!!香到暈左....................... 嘻........見到呢隻狗,好掛住屋企果3隻怪獸呀!!hahahaha