day 4:話咁快,已經去到第四日喇,今日要離開烏布喇!!咁一朝早起身究竟搞乜東東呢?? 第一站:做spa神早流流10點幾就係去做spa喇!哈,因為再唔做spa,真係無乜時間做!!我就做左個兩粒半鐘既,都只係200000萬印尼盾,痴線,平到暈左!仲要包埋做facial、又堆油,又浸浴,又磨砂咁,搞左幾耐呀~~其實今次係我人生咁大個女第一次做spa ,主要係我唔太習慣比人摸黎摸去, 入面的環境!!因為我去玩激流時隻腳已經累到飛起,岩晒,比佢推下我隻腳先,推完真係鬆左好多,正! 第二站:烤豬飯呢間係第三間分店!!個豬飯就係條橫行仔入面...........豬仔我黎啦 乜咁神秘既間豬飯!! 到左!! 周圍都滿座架!!!!! 無聊影下個餐牌先!! 上菜喇!!原來30000蚊個餐就係呢碟野咁,無湯送既,細碟d~~~ 50000蚊既餐會另外有碟飯,係大碟d既,仲會有湯送埋!! 就係呢個湯喇!! 洗手盆都影一餐!!哈.........個飯好唔好味?哈.......自己黎試下咪知囉 第三站:烏布傳統市場我覺得呢個市場如果有時間都可以黎埋既,因為我地係呢幾日都見唔小呢d野,都已經睇到厭厭地,哈!!同埋呢個市場d人開價開得太離譜,而且又係遊客地方,d價一定貴好多好多,好似我地去海神廟買左個擺設咁,都只係10蚊港紙,黎到呢度,搵到個差唔多既,竟然一開就開我20萬定50萬印尼盾,佢都痴根既! 不過估唔到我竟然有收獲,哈........買左條40蚊港紙既民族裙!! 設計得好風趣既JJ!!! 好多騰袋呀!!好想買!!不過睇唔岩!嗚!! 我都話過喇!黎峇里島係唔會餓親人既,因為周街都係流動小食車!!點擊圖片放大 第四站:織布場其實係私機叔叔無啦啦帶我地黎,佢話還掂有時間,所以又叫我地去睇埋!!哦.....咁好啦,睇下啦!!無懷既................. 睇佢地織左幾下咁啦!!閃人.........去下一站! 第五站:鑽石教堂其實係我話要入去睇既,我唔知入唔入到架,博下架作,因為我唔知係唔係私人地方,就連私機叔叔都幫我地問左好多人先黎到!喇,原來粒鑽石,就係沙灘入面既.............大家下次黎見到呢座野就醒水喇,照行入去就得嘻嘻............ 行到一大半左右,會見到呢塊牌寫住指住個方向係 inna grand bali beach開頭會覺得有奇怪,我望入去完全唔似係去沙灘既地方黎,入面係人地工作既地方黎架喎@@!我襯有人行出黎,就比鑽石圖片佢睇,佢就指指叫我地直行,愈行愈唔覺得對路!!..........喂,咪老點我地喎~~~ 搞笑,行3分鐘左右後,先知原來我地入左沙灘既後門囉 ,算啦,黎到就得喇!!好彩,我地一穿過對大閘就見到沙灘喇! 黎到啦黎到啦!!原本我咪出發時,已經話一定要黎峇里睇海豚,可惜個天唔幫我,黎到第5日都睇唔到,私機叔叔已經幫我問過好幾次,都話因為呢排天氣好暗,好多霧,所以好難睇得到!!唉......算啦,下次去第二個國家先再睇過啦!!如果唔係,我地就係座呢d八爪船出海睇架喇!! 好大個沙灘呀!!!其實好長架,不過唔知點解老公影到咁!!我又太興奮,一時唔記得搶佢部相機補影多幾張添................. YEAH.....死撞爛撞,我黎到啦!!原來呢個鑽石教堂係開放式,既係呀豬呀狗都入得黎影相!!不過只係唔可以行入個禮堂咁解姐!!嘻,可以黎影到相,我已經好滿足架喇!! 喪影!!唔好見我地咁好笑容,其實已經熱到溶!!老公係咁話,痴線,咁差熱點樣著住件老西結婚呀,咪行到入去已經暈左囉!!我即話,咁我係咪對你好好先,唔使你咁辛苦!哈哈哈.........唔黎到都唔知,真係好熱,係咁諗,大熱天時,個妝又厚,條裙又重點行入去結婚呀! 不過最可惜果日無藍天,得個熱字!唔係呢d相一定超靚!! i do................. 點擊圖片放大 第6站:villa別墅最後果日,緊係要住得好d架喇!!!夜晚出去入小小貨,食d野,就會跟住返酒店hea!!!哈.......我同老公2人就係租左間別墅屋住一晚咁多啦!!wellcome drink~~ 老公係度扮主人家!哈........發一晚夢咁多啦!!歡迎光臨!kakakakaa............... 好大呀,個廳.................. 仲有個開放式廚房!!! 仲仲仲有個私人大泳池!! 真係幾大個下架!!!我開頭以為得蚊形咁細個架咋!!! 上房的話,仲要行樓梯!!wa,如果香港有間咁既屋就發達喇!!! 2樓既涼亭!! 2樓走廊!! 好大間房呀............................大到影唔晒!!!2條友住咁大間屋,真係好大好大.......... 沖涼房點擊圖片放大 行行下先發覺原來張食飯檯上面有兜生果!我諗應該係free比客人食掛?唔理喇,開個蛇皮果黎食下先!!主要係因為我未食過呢種生果........... 我地5條友晚夜就係度玩左成晚潛烏龜!輸左要罰架................... 我地係超市買左支果汁氣水!!!係時候開黎飲下喇!!! 罰乜呢!就係罰要落水!hahahahaha~~~~ 玩到夜夜地,有d肚餓!!係超市果陣買左幾包印尼撈面,係時候出動煮左佢!!我仲買左棵生菜添架................ 唔講唔知,以為呢度係自已屋企,XDDD~~~唔...........暫時係囉,