DAY 4 因為我地住得比較原始,哈....所以開房門唔係用CARD,而係用鎖匙!! 雖然話就話間酒店得兩粒星星,其實住落都唔係真係太差,我覺得反而咁樣先似去旅行, 我每次去旅行住既地方,唔需要每日5星級,反而我間唔中會鐘意享受下太自然風味! 我地間房一打開露台,會見到花花草草,幾大自然! 我仲見到有隻松鼠仔係地下經過,可惜佢走得太快,影唔切,因為個品種唔同D架~>.< 享受下早上個太陽先!! 喇,我唔講,係咪真係唔似得兩粒星先!我話5粒星我估都有人信!哈哈... 吃酒店早餐!! 嘩,連食早餐既地方都咁大自然!真係無得彈!! 點擊圖片放大 吃個簡單早餐然後出發喇!!! 酒店外貌,真係好唔顯眼,經過都唔知係酒店! 第一站:巴杜爾火山 我地途中突然話想食榴連,上火山途中,私機竟然見到,發現左真係有得賣!! 不過好細隻呀........哈哈!!都買左個黎食,味道不過不失啦, 都甜既,都唔知點解又帶點酸味架囉,唔通品種問題?? 已經到了火山餐廳出面啦!! 會見到有好幾個人係咁樣去兜售客人買沙龍披肩! 呢間餐廳係自助式比大家享用食品!! 好似都係70幾蚊一個....但唔包飲品!! 眼見的,就是這個L形位比大家選擇,所以款式唔多!! 最好味的反而係串燒!! 我出外旅遊對食品質量要求不高,所以都ko晒架! 唔好浪費嘛!! 老公的!佢清清地算!! 見到嘛? 原來當地人,將d米貼係眉心,意味著心靈潔淨!! 因為當日天氣真係好差,暗暗沉沉咁! 好唔開心喔!!我d陽光去晒邊呀........... 所以我索性將張相黑白左佢,哈.......反而仲有feel~ 我山長水遠都係為左睇呢座火山,最衰唔好天,個總算空氣真的不錯, 因為咁岩有d涼風吹下吹下咁,因為當地餐廳係極小有冷氣架!! 點擊圖片放大 +2 嘻,行去第二個位再影多次!! 大家知唔知,原來峇里島周街都係呢d一樽二樽黃色的東東,原來係油黎架!! 乜油呢?就係車油喇!!無錯,因為峇里島比較小油站, 所以,好多時如果行行下突然無晒油都唔使怕, 係街邊除時就可以入油架!!哈.......咁樣入油真係第一次見,好搞笑呀......... 第二站,Tegalalang梯田 去到好多都已經收割晒,所以影出黎都唔算話好靚!嗚.............. 執下d色,睇下會唔會唔同d先!haha.......... 睇完梯田就係後面都有好多店鋪比女士們shopping~ 只係短短5分鐘,我咁都買到條裙!YEAH~~ 上返車,繼續行程............ 第三站,Gunung kawi石窟寺廟 我想講,係呢度買披肩係最最最平既,只需20000印尼盾! 無錯,唔使講價,就已經係呢個價喇!! 我好豪地,係呢度大量入貨,hahahahah~~ 所以,如果想買平披肩的話,其他地方唔使睇喇,我非常好肯定呢度係最平, 點擊圖片放大 +4 行完一條長長的小街,先行到寺廟的入場門口!! 係峇里島,如果入廟時,係著緊短褲的話,男女都要披返條沙龍遮腳架!! 不過呢d沙龍好多時都唔使錢既,可以免費借比遊客用! 好多小雞雞呀,好得意呀!!! 點擊圖片放大 好靚的米田!!!生到好高呀....................... 真係好巨下喎!!! 其實唔比行上梯級架,不過我覺得咁樣影先靚喎!!! 點擊圖片放大 第四站:銀店 其實我地無乜興趣,不過私機叔叔話只係順路,所以我地都落車睇下咁啦!! 仲行左入鋪入面兜左個轉!! d銀都賣得幾貴下喎!! 仲見到呀師父係度整緊d銀飾!!! 完成品!! 好!老公影完弟弟又上返車去下一站!! 好懷舊既千秋!!! 途中風景!! 係車時,望望下見到d大風箏,即刻叫私機等一等車先,因為真係好靚呀!!! 好大隻呀....................... 重點係,d風箏全部都係自已handmade架!!!好勁呀............... 忍唔住買左隻細細地既風箏返香港!!嘻嘻~~~~ 講價就一定有架喇,講到40蚊啦,但我覺得係值得比既,因為心機錢黎架嘛!! 其實呢條龍係勁大隻架!!不過唔知點解影左出黎貢細隻既..........老公你點影架......... 呢個小朋友好得意....hahaha 呢d放係鋪頭出面一支二支既,就係整風箏既材料喇! 好,又上車,又去下一站!!! 第五站:木雕店 又係私機叔叔話順路,叫我地去睇下,好啦好啦,還掂大把時間,去睇下喇!! 地上呢d工具就係用黎雕木架喇!! 我覺得唔會有人買呢d人頭返屋企掛囉!!!咁恐怖,自已嚇自已!! 咁就好開心地完結左一日既旅程喇!!! 我地叫私機叔叔放低我地係街,佢就可以返屋企喇,因為佢車程遠, 無謂要人咁夜先返到屋企啦!!我地咁點樣返酒店呢?原來烏布呢度有好多無牌既的士, 咁當然會有d係有牌既,咁d的士樣係點樣既呢? d的士車係7人車黎既,唔好講笑,d車好大駕,勁舒服架,d人會係條街度叫''taxi taxi'', 如果你想要車,就直接同佢講價就得架喇!! 我上一篇咪講話,我地會連續兩晚食既餐廳既! 就係呢度喇!叫clear cafe 我地5個人都勁鐘意,超堆介呀!! 入餐廳前,係要除鞋架!係一定要除!! 我地第一晚入去時,已經有對外國人食完出黎話''amazing''啦!! 我地終於知道點解!唔係都唔會連續食兩晚!! 如果大家黎烏布玩一定要黎呢間餐廳,唔黎你走寶!! 大家都真係除晒鞋架!! 餐廳有兩層既!! 不過我地連續兩晚都係下層,因為上層好焗!!! 主要係間餐廳無冷氣架!! 不過大家可以放心,峇里島入夜係幾涼爽架,所以無冷氣都唔成問題!! 我地連續兩晚都係座呢個位,因為對住個入風口!哈................ 點擊圖片放大 我地又好豪氣地喪叫!!! 好似係類似pizza咁啦!!都幾好味的!! 連續叫左兩碟意粉!! 個餐牌上只得3款選擇,我地前晚已經食過1款,今晚叫埋另外果兩款先!! 因為真係好好味架!!!全部ko晒~~ 死喇!!已經唔記得左係乜黎添!!^_^''''''' 點擊圖片放大 沙律 泰式沙河 失憶!唔記得係乜喇!! 你三條老望緊乜呢??? 食飽飽周圍行下先!!!