第一站:海神廟嘻,係呢間小店度買左個甜薄餅黎食 嘻,就係呢個甜薄餅喇!!真係幾簡單下喎,入面加小小朱古力,出面加小小糖!!是鬼但啦,頂住個肚先姐,因為我咪食早餐呀!! 準備入場啦, 行幾步後,就會見到有兩個婆婆賣呢d綠色一粒粒既小吃~~ 甜甜的,有d椰奶味,面頭的是椰絲 入面好得意架,一咬會有d汁''泌''出黎,成粒野d味勁似鹼水粽味 入去海神廟了 哈,老公影我,朋友影老公! 無啦啦老公叫我行去對面影,佢話影出黎效果好正喎~~老公你影得快d就真啦,好鬼熱架我,後面又有人等緊我喎!! 我地無聊到玩360度自拍!影左好鬼耐呀!!真係笑到我死死下............點擊圖片放大 +5 我地去到時已經漲潮,行唔到落去添! 我自稱呢個係,無聊4人白痴組合!! 一行返出去,緊係shopping時間又到啦,買披肩!!我買左一條30000印尼盾,同25000印尼盾!喇,我想講,呢度點樣講價最平都只係30000印尼盾架姐,所以唔使晒口水再壓價喇!而點解我會買到一條25000蚊咁平呢?因為果間店得返幾條,所以先平到比我!喇,我呢個黎師奶都唔話得架,老公你睇下,你老婆我又幫你慳左錢喇!! 買完手信,真係熱到暈,整樽可樂先!! 第二站:貓屎咖啡園NEGARI ''LUWAK COFFEE''我知道印尼係有得飲貓屎咖啡,但我唔太清楚地址,因為我真係好想試下咩味!website:www.negaricoffee.com 行入去了........好園森feel呀~~ 周圍都係樹木,好森林feel!最搞笑係,點解周圍都係動物!好似入左個迷你動物園~~我有諗過,私機叔叔你唔係以為我想睇動物呀嘛!! 噢,原來就係佢痾d咖啡豆出黎架喇! 佢地既屎,就係用黎整貓屎咖啡架喇!! 睇見佢地個樣真係有刻覺得幾心酸!隻隻都無哩神氣!!究竟係咪熱得滯呢? 行下行下,痴線架,蛇都有條!! 有蛇都算!蝙蝠都有!唔係呀嘛!!呢隻都幾大隻下架喎~~~~~~ 行到一半,就見到佢地介紹咖啡喇!!佢地又講埋,已經處理好左個貓屎同咪處理好既貓屎係點樣既,驚我地會誤解喎.....hahaha....明白晒!! 佢地就係用呢個鑊炒咖啡豆? 呀婆婆好搞笑呀!我忍唔住飛埋去同佢影返張相留念先!! 大家估下呢舊綠色野係乜黎??唔係木瓜喎.......... 再睇真d~~ 我開估喇,就係朱古力豆呀!即係整朱古力既果實就係佢黎架啦!wo..真係唔食過都唔知原來d朱古力種子d味係同山竹有d似,d口感又係滑滑地咁!哈,我又學多左樣野喇! 呢d就係香料黎~~~~ 行完後,就乖乖地座好,開始飲貓屎咖啡!!一座好,已經睇到檯上呢7杯野,仲要係免費比大家飲的~~呢7杯野飲仲要係熱騰騰剛沖好的!我緊係唔同你客氣,全部每杯飲下先!!!我地都已經無晒所謂,大家飲下大家d口水啦... 職員都簡單講解下呢7杯係乜黎既! 好有古典feel既咖啡機喔~~~~~~~~ 估唔到除左有免費野飲,仲有新鮮炸出黎既炸香蕉食!我唔客氣啦啦啦啦.................即刻我手上的那一小舊就是炸香蕉!因為太好味,唔記得影相添...hahaha YEAH~~~貓屎咖啡開始沖製啦!!呢杯緊係要另外再比錢架喇!多謝50蚊港紙一杯!!沖製前,佢地仲比我地聞下d貓屎咖啡粉,聞落真係有d貓屎味架喎.......hahahahahahaha 一杯仔貓屎咖啡就完成左喇!!我乜都無落,先飲下原味,真係好甘香呀,同平時d咖啡真係無得比!!因為老公唔受得咖啡,哈........我自已一個ko晒!!最好笑係,係咁天然既環境下(因為背後就係d動物,周圍都係樹木),飲咁天然既咖啡,嘩.......(如果呢杯係凍貓屎咖啡你話幾好呢!!) 我有時真係幾佩服自已,點解可以係高溫30幾度之下,飲咁熱既咖啡架呢下?? 我地背後就係咁樣架喇....... 飲咖啡的遠處,仲會見到鷹一隻!!O嘴~~!!! 走出門口時,又有動物睇!!呢隻係.........?大蜥?但係佢個嘴捐左喔....>.< 大家又估下呢兩個波形物體係乜黎?係箭豬仔呀!!呢間咖啡園都做得幾另類下架喎!!如果帶d小朋友黎睇下都唔錯架,入場唔收錢既!只要面皮夠厚就得架喇!haha~~ 跟住出到門口就有檔流動電單車小食,峇里島有好多呢d流動小檔架!!d丸係用雞肉整成既! 呢碗小食,5條友大家share下啦!一口一粒!都幾方便架喎!!跟住私機又話,當地d女仔,有時只會叫一份丸加雞蛋,就會當一餐架喇!!下.......?唔怪得當地d女仔貢瘦啦!! 私機都叫左碗一齊食!大家座係路邊一齊歎,哈........幾有風味呀! 第三站:激流黎峇里島點可以唔玩激流先?必玩呀!!老公去之前,仲死講爛講話唔玩,佢話驚我比水沖走喎,又驚太激得滯,佢又聽我朋友講,話玩到周身爛腳,成身捐晒,佢聽完更加驚!!我就真係無驚過,食左豹子彈咁,死就死啦,我不知幾興奮!因為峇里有分幾條河既,我地去玩時真係完全唔知係幾多level,因為玩激流都有分等級架,我地去到一問之下,知道原來我地玩緊第三級!!哈.......我部防水相機又出動了........全程我負責影相,大家努力d爬喔!哈哈哈哈....... 大家戴好裝置後,就準備行梯級落去,唔好講笑,我行到出晒汗,腳都震埋,足足行左我15-20分鐘!!行到半路仲落埋雨,嘩......真係天工造美,岩晒!! 還掂我地都一定會全身濕晒架喇!d雨落得真係非常岩時間呀! 我地其實係等緊師父將隻船個吹氣.......一路等時仲行雷喔,唔係咁激下! 老公係度扮震定!! 我地邊玩,師父就邊教我地指領,有停,座下,倒後,move.........開頭真係聽到勁亂架,因為我同老公係座最後面,所以聽得最清楚,但我就已經驚到顛左,反而老公變左最振定果個,咩料啊! 驚完一陣,已經習慣左d激流,知道點樣控制後,我就開動我既相機喇!呵呵呵呵~~~~ 大家比心機爬呀,要爬成兩粒鐘架! 我地係good team黎架嘛!一定唔會反船既我相信~~~周圍都好有珠羅紀公園feel! 師父仲特登帶我地去個瀑布下淋水!痴線架........omg 睇下老公淋得幾開心!!嘩...d水凍到飛起!! 師父淋完我地一個又一個,呢個仲激!痴線架,勁大水囉!!不過睇返相真係勁好笑!!!我都唔知點解自已果刻仲可以影到相!hahahaha~ 淋到應一應!!醒晒............我地係途中試過2次真係差d反,通常會係最激既地方最易反,果d地方又勁多石頭, 又急喎d水,如果真係控制得唔好,真係好易就反,但我地撐住最後都係無反。YEAH~~~驚心動魄2小時完成了,我就玩完先識驚,老公反而玩完話想再玩高level d,我真係咪搞!!如果大家想挑戰下自已既擔量,黎峇里島一定黎玩下喔 玩完後,諗唔到會有個自助餐醫下肚!我地5個已經肚到7彩~~已經手軟腳軟~ 大家睇相就可能會覺得呢碟野一d都唔覺得好味!但,我話你地知,當刻我真係覺得呢兜野係全世界最.......好美既飯!我地5個仲ko晒人地成兜湯.......XDD...hahahaha 因為私機晚上要返庫塔的關系,所以我地返酒店後,要再call酒店 van落大街醫肚!!呢間餐廳不得了,我地連續食左兩晚!!我聽日先介紹。今日先賣個關子!!食得真係好relax架! 因為烏布呢邊無咁熱鬧,所以好多鋪頭9點半就已經關晒門咁滯,但好多飲野既地方就咪關門既!! 所以返酒店時時間都算早,都係10點11點咁上下啦!因為我地住果度係係山上面黎,所以空氣真係好清新!!一望個天,哇..........好多星星啊.............. 我已經忍唔住,要讚下個私機先,佢真係唔話得呀,我地今日開始就會由庫峇去烏布玩,所以私機就建議,晚夜先check in會好d,因為由庫峇去烏布都要好耐時間,快側1個半小時,慢側要2個鐘。因我地今晚住果間係山上面黎,私機都要係咁問人先去到,搞得黎都已經夜晚8點幾!我計返時間,嘩.......咁個私機渣返去庫峇咪要成夜晚11點?但佢一D黑面都無,仲好好笑容,成個行程完全無吹過我地。最唔話得,我地又約佢朝早9點30係山上面既酒店等,佢都完全無問題,搞到我都勁唔好意思!